230902六近午8號26°C 93%：殺雞用牛刀？

    昨天上午風還未到、預先掛定8號時就想說：雷大雨小。此刻應該塵埃落定了。
    官方及早嚴陣以待有佢既理由：1.以示以民為本，對市民交代；2.與內地同步，對上級交代。
    但防災如防盜，勝負視乎好人與壞人實力的對比。你阿爺當年住山邊木屋，快把門一推就冧。而家你住大廈，大門有保安，家門有電閘，屋內既cam接入你手機。但由阿爺到你呢代，賊既格鬥功夫同做世界既傢生，好似冇進化咁多窩（IT黑客除外）！
    同一級數既賊，當年對你阿爺同今日對你既威脅，不可同日而語。
    但我地而家好似將60年前個代人同而家既自己，當作同一回事。61年前，香港有史以來最強既颱風溫黛害死我地百幾人…！今日又想害我同我屋企人…！
    係唔係真係咁恐怖呀？ 
    廣東沿海如臨大敵有必要，因為環境多元：除咗鋼筋水泥既城市，仲有人口相對不密集既镇、郷、村、田、林…，面積係城市既幾十倍，地形、建築物、基建複雜得多，難保某的角落冇漏洞。

    我地香港環境基本上一元：鋼筋水泥森林。打風可能造成的人命財產損失通常屬於意外，例如：急病、追風、遊客冇經驗…。
    說白了，我們而家防災係死貓當作病貓打（抱歉，呢句俗語而家政治上不正確），確保了700萬人最大的安全，但成本就唔好問。
    唔止係錢，超級的保護也可能削弱700萬人的自衛力，將我地變成溫室花朵。政府包起冇有怕。八號波，啋佢都傻。三日週末，不如趁機happy。有事打999。