220404一晚19°C 73%：林鄭終於做了件好事

港疫情繼續緩和；中國的焦點在內地。

內地昨首日破萬，絕大部分來自上海。滬怕難逃‘萬元戶’之劫。

抗疫副總理親臨上海督導，由河東、河西兩區分封改為全市一氣封。有居民抱怨，獲港報突出報道，以證東vs西抗疫路線之別。但建制報說，中央對滬出重手，或因1.14億人基數大，擔負不起群體染疫傷亡重大的代價；2.須確保金秋的劃時代黨十二大（更正：謝網友指正，應為二十大）勝利召開。

上海辛苦了！

俄攻烏也無突破性的發展：本博此前說過，俄要的是烏東俄裔的工業地帶、以及南部沿海的港口，對北部的首都基輔周邊可有可無，更不要烏西的農村窮鄉。因此，俄軍增兵烏東、撤離基輔周邊，份屬正常。至於說俄軍濫殺平民、雙方都就戰情報喜…，最多信五成。戰爭中，散播謠言以呃對方、博同情…份屬正常。

今日香港的話題自然係林鄭不連任。客觀上皆大歡喜。感覺上，鍾意佢既市民怕只有一成，加埋可以接受佢既市民怕亦冇三成。主導選舉既建制更憎死佢。新舊愛國圈都恨之入骨，本地重商的非政治性精英亦對佢冇好感。

而家主動離開，終於做了件好事。與家人好好生活，得閒做吓義工，好過日日俾人媽！

接著當然係：有邊個係中央屬意，而港人也受落既人選？

現任第二號既李家超在社運中冒起，但港人內心仍淺黃。怕有的抗拒。

至於波叔，怕係造王者放既煙幕。冇錯管財經冇政治負分，但反過來也難以說明有政治能耐。而家麻煩既係政治：港人要錢，中央可以放水；但要西式既選票同自由，唔好意思，中央做唔到。波叔𠱁得掂港人？

很可能，最後仍然係由Comeback kid回朝。佢既法家作風，與中央比較合拍。