220402六晚15°C 72%：檢疫自願，陽性要報，有乜著數？

晚了，随便寫幾句。2、3月都堅持每天上，4月也不想斷。

中招和疫歿數停滯了幾天後，終於再跌>10%，中招首次少於5k。且看今後兩天是否又拉鋸。Omi，你倦了嗎？放手吧！

原來，全民檢測變成4.8週五起連續3日，每日在家自行用政府派既抗疫kit快測。若發現中招要呈報。

但話明係自願，亦即你唔自測既話，政府唔會查、唔會追。反之，如果自測又發覺中招，要報政府。

咁就有的怪，非強制又點解要做？萬一測到有，唔報唔得，隨時要坐疫監，自測豈不是攞自己離搞？

年來每見不幸的新聞，都好心up，也為自己此刻冇大礙而感謝上蒼，因為世間冇乜嘢係必然既。近日呢方面最受注目既係荷里活既“Die Hard”硬漢Bruce Willis失語被迫退休。

失語與痴呆Alzheimer同樣冇得醫，但有說相對仲慘。因為惡化快，可能幾年後，就無法自理生活。銀幕上打不死的猛男maak開口得個窿，想起都覺得慘。

萬一有一日落到自己身上，要有足夠的心理準備，到時只能pray，俾我早的走。