今日講/港疫要緊囉：
1.中國「一の媒」一錘定音：「動態清零是通關必要條件」。「清零」唔係選擇題！大狀話齋：冇得揀，你唔係老闆！英文話：Take it or leave it!2. 5.1起，非港人抵港，檢疫與港人睇齊。主要係回應嗷咗好耐既西人，但港人的海外摯親亦適用。
社會上總有人親有人反，差別係比例。媒體順應呢種分化，分別以親和反為賣點。
只不過新時代下，親得來要溫和，少刺激反派，驅除以往長期的戾氣，重塑和諧。反既就更要講究。2020以前勇往直前，雖千萬人吾往矣！如今為免被請飲咖啡，要放下直拳，改打勾拳。（想知打拳basics，可睇木村啱啱開播既春季日劇《邁向未來的倒數10秒》）
親同反在社會上各有市場。但無論玩親定玩反，有冇人buy，關鍵在表達既技巧，遠遠多過道理。
有一支媒似以「基老」（基層長者）為本，專門鬧掌公權既官，措辭辛辣，使人想起係公園坐埋，你一句我一句既叔伯。你谷氣？包你叫好。
但睇耐的，好似話今日既社會冇樣啱。係嘅話，香港早就好似東京話齋，沉沒咗啦！不過，媒體也要生存，鬧官為民出氣都係生存之道啫，睇開的啦！
講咗咁多廢話，其實只係因為佩服該媒今日既大標題，刻薄到絕但有文采。鬼叫你冇我支筆（鍵盤）咁叻呀？
我想講既標題係：
〈死在香港 屍堆殮房 春亡夏葬〉。最尾個句絕對可以貼堂。
呢個週末港人放監大喜。以上既話題如果唔吉利掃興，還望見諒。
Have a good weekend. Don't get caught by the virus.
沒有留言:
張貼留言