有調查發現：〈疫戰損身心 一半港人疑有焦慮〉。死啦！我竟然係麻木不仁的另類。
晨早出外伸展前，慣例 check RT既天氣，當作實時。昨下午突破30℃。今朝清晨報28℃，睇吧晏晝都會過30℃。果然真喺。
換咗歐美北部，30℃已屬酷熱，一年怕只有三兩日。香港則每年怕有三五十日，要到33℃先發酷熱警告。
但啱我：我怕冷唔怕熱。細個係廣州，相對香港係內陸，曬過香港，風雨少過香港。炎夏唔可以著膠底鞋行鐵軌，因為可以㷫到熔。
係時間清點寒衣，cut到最少，捐咗多餘既。一來清屋企，俾多的空間自己，二來萬一有事，減少家人的善後。
睇日劇，我幾中意既中亨松重豐演愛妻鰥夫。妻子離去3年，衣櫃原封不動。要到忌辰做法事後，先醒起應重新出發，著手清理亡妻的衣服。這才發現，妻子在生前最愛的大衣裏，給丈夫留下一封信。起初以為遺書，點知竟然係妻子填好的「離婚屆」（日本官方印製的離婚申請表，供夫婦任一人主動填寫，然後交俾對方簽字/蓋章。對方只要肯簽字/蓋章，交去政府登記，就和平分手，無須請律師、經法院）。
原來，妻子生前的賢良，純屬靠忍，盡日式良妻的義務，自己過得並不開心。等子女出道、丈夫退休就要求離去，做番自己。只不過沒料到自己等唔到個日。）
港官方谷針不遺餘力！請專家出黎話：〈無針長者 疫歿風險高20倍〉；兒童打針比例低，返學有隱憂。
而家的中青父母係唔係因為思想「進步」，懷疑的疫苗有害子女，所以唔想幼年的仔女打？
但父母七老八十，唔打係因為怕體弱，頂唔住副作用，定係因為住安老院，要仔女簽字先可以打，但仔女思想進步，拒絕合作，以免人人都打，港冇疫情，反而造就對上通關，俾上面的人再次湧落離？
我頭腦簡單，覺得好難明。講到底，自己蠢，唔識得critical，有針就打。有事就當天意。我呢種人實在係拖進步的後腿。
今朝有個案好有話題感：有民族陣綫成員管有近1公斤烈性炸藥TATP，去年判12年。今晨被駁回上訴，理由係：此案比已故大賊葉繼歡97年管有2公斤TNT炸藥判18年更嚴重，因為：葉係為打劫，此案係用來推翻政府。
沒有留言:
張貼留言