220412二晚24°C 85%：西方一個共存的港人實例

論疫情，港繼續慢落，Omi與你我玩“Waiting for Godot”。

滬捱了大約兩週後，似乎已剎住升勢。接著大概似香港咁慢慢落，清零怕要個半月。但穗有風險，可能又會落重藥。

台更處於升勢。公衛主管預計5月先到頂。

友人近日在西方的經驗，本來今晨就想上。但轉眼就做了日常的routine，而家先至講：

友人一家大細，在港至少打咗2針。但去到與毒共存的西方後，唔夠一個月，全家先後中招，但又先後痊癒。

而且，過程中冇睇過醫生。當地醫療公營，但或者要照顧重症，友人全家登記咗，到痊癒都未接到通知去睇。

呢個實例如果唔係特別幸運或偏頗，再次證實：

1.打針不能防感染。

2.大多數（可能高達八成）既感染症狀好輕。即使唔睇醫生，係屋企dum個一週十日，都會慢慢好番。期間可服感冒藥、咳水、適用既中藥為輔。

3.症狀輕既感染者，我估絕大多數係日常冇三高、哮喘…等慢性病既。有既話，一發現中招就要即刻去lve醫生。唔好以為自己可以搞掂。

4.由於2，所以西方好早就覺得（有可能用AI計過數），與毒共存，即使有近半人染疫，在處理上都容易過落重手以求滅絕病毒。

（以上只係我作為layman亂up，冇任何醫學根據。你唔好信，要信番你自己。信錯我，醫壞自己就大鑊！）

誠然，近乎放任地與毒共存，會令唔少老人提早離世，似乎犧牲老人離益中青幼，搞“社會達爾文“主義。但我夠老先敢講，除非將”人命無價“的信條推到極致，否則老人客觀上接近鐘形曲線的末端（相對于幼兒位於鐘形曲線的起端），如今病毒提早為老人完成這段末端的路程，的確不太人道，但大自然是否自古至今就如是？

唔怕講，我咁老，如果萬一中招係重症，上天要我走，我都認命。

當然，這是因為我有宗教信仰。冇信仰的話，又或者相信宇宙裡以人至高，人定勝天，人應主宰一切，咁就的確係要戰勝病毒，進而操控、最終甚至利用病毒，令人類過得更幸福。

上海月來全力抗疫，發展到近日，人生的故事越來越多。今天港報的報道《遭嚇唬送方艙 「正能量」作家母心臟病發》幾有啓發性：內地抗疫的確有力有效，但就如落重藥，殺敵一千，自損一百，受眾要頂得住。

這本來問題不大，中國人自古韌力特強，這個倒下，那個起來。只不過社會越富裕、越進步，成員的承受力越小。換了四五十年前，分區禁足可信冇人會叫苦。當年吃的穿的是配給的，每月每人幾兩油、十來斤米，禁足兩週絕對夠吃。現在食物不夠，因為以前一個月的quota，可能兩天就吃完了，來不及添補。苦了配貨、送貨的！

晚了，就此打住。祝大家健康平安！