220424日晚27°C 82%：京城怕要分區封控

講疫，兩岸三地，港〈情已逝〉，台情正濃，但真正傑的是陸：

1.京城連日雙位數。萬一走失幾個，再搞出個上海，西方就大把嘢講。

再說，內地有句話：人進京方知自己官小。至今未聞有黨與國家領導人中招。這次絕不能被Omicron破戒，否則被人八卦死。

京城分區封控怕在所難免。

2.爆疫快將2年半，內地至今絕少人疫歿，除以14億人口的基數近乎零，全球羨煞。但上海昨日疫歿突然狂飆到39，多過此前內地30省市。千萬唔好學香港，最高峰日「落」300！

台突破5,000。我好像此前估過呢個數。且看仲要上幾多先到頂。但我唔係好擔心。除了上次說的：藍派在抗疫上好像沒有逢綠必反，台灣另一個保險的是：對外聯繫較港、滬、京、深少，走漏輸入個案的可能性也較小。

只要政治上不互扯後腿、唔信疫苗既後現代派唔多，台灣爆唔到去邊。

普京唔炸又炸：講的是Mariupol的烏軍最後陣地亞速鋼廠。

原因當然係：守軍拒絕投降。但真的用導彈照頭照面打鋼廠，還是說落在鋼廠的邊緣地帶，避kai免直接炸燬生產設備？普京唔係好心，而係要保留鋼廠，停戰後為俄羅斯開工。

普京更進一步炸埋烏克蘭最西邊的港口Odesa敖德薩，理由係：有西方軍火運入。照推理，有此可能。本博講過：西方送來的軍火由烏克蘭西邊入境，要向東運送千幾公里，烏東守軍先致收到，中途難免不被俄軍空襲。但用船運到Odesa，上岸行幾百公里就到烏東。

當然，普京也可能以摧毀軍備為藉口，實則想攞埋Odesa，逼烏克蘭投降。

普京攻烏克蘭今日滿2個月，戰績差，強人失威。

大蝦細，世人挺烏份屬正常。但想瞭解實情，揀新聞時要注意媒體的立場：過分同情烏，側重報道烏軍有利，很可能自欺欺人。本港歐陸傾向的新左媒就落入這個窠臼。新左與美國的右翼自由派近乎一對鏡像。

此外，烏克蘭總統原來既職業係講棟篤笑，亦即黃子華。此人對住鏡頭就講，但唔覺有內涵、感染力，長遠唔睇好。

因此，烏克蘭成日話俄軍屠殺。俄人強悍，二戰期間係波蘭就曾經一次過殺咗成萬波蘭官員之類，這次有烏克蘭平民被殺唔稀奇。關鍵係：是否好似烏克蘭講既，千人亂葬崗..咁厲害？

除咗要分清媒體出於同情，誇大烏方戰果、俄軍‘罪行’，尤其不能信的是台灣綠媒。台灣因為與大陸對著幹、擔心被武統，與烏克蘭同病相憐，故報道俄攻烏一面倒，比美英的自由派媒體更偏，信三分都嫌多。