220426二夜 27°C 82%：輪到京師

京城果然開始局部封控。千萬人的大城，個案雖只是20+，但14億人核心所在，怠慢不得。

滬嚴控了幾週後，似香港幾週前，緩慢回落。怕還要撐2-3週才可望復常。

但早有滬人喊苦喊忽。有港報話，月前居港內地關係人北遁避疫，而家有居滬港人撲機票返港避方艙。滬人仲頂得幾耐？

港落到300+，進一步鬆綁壓力增。海外利益方力促重開機場。有學者話，而家每日係赤鱲角land既乘客仲少過非洲國家。

相信係配合夏天旅遊旺季，鄰近的星、泰已撤銷旅客飛抵後的隔離。同樣很靠遊客的大馬應該很快就看齊。如果月內日韓台都開埋，香港就斯人獨憔悴。

通關無疑好，但上邊揸得緊，港再辣都好難做到上邊既力度。何況而家上邊反過離爆疫。今夏怕都無望。

通關既難，不如先從容易既入手，放多的班機離港先。

美國國務卿同防長旋風走訪基輔，算係歐美兩個月來對烏最強的姿態。但對烏克蘭來說，關鍵係人同武器，而且要快。

而且，俄外長會見專程來訪的UN秘書長，擺明態度係：除非烏克蘭投降，否則唔會停火。呢個當然係最高領袖既立場。怕冇得回頭啦！

俄軍一如所料，猛炸烏克蘭東行的鐵路，不讓歐美送來的軍火運給烏東守軍。炸南部港口Odesa 係基於同樣的理由。

形勢不樂觀。