疫情：两岸三地走勢持續，港慢回，陸拉鋸，台續升。
但港後天週五起連放4日耶穌“復活”假。疫退+長假+初夏，750萬人必湧上街，帶動市面‘復活’，令疫情節後反彈，話唔定會谷番到3,000，你我又要捱多兩周。正所謂“有咁耐風流，有咁耐節墮。”都預咗啦！好多事我地事前就知道會有代價，但箭在弦上，不發不快，人的本性，無法清除，只能節制共存。
內地的隱憂除咗牽連全球經濟的上海，還有廣州。萬一繼上海後爆疫，威脅珠三角成億人的世界工廠，全球保你大！
台灣相對最簡單：雖然勁爆，但與世界經濟的鏈接不像大陸那樣大；控疫手法穩健，應該撐得過去。
今午坐大巴去北角，再西行番到灣仔。不覺市容有明顯的變遷。但去快餐店下午茶，等咗至少10分鐘先攞到食物，發現主食同飲料都唔係我叫既。問出餐既阿姐，話係你叫既架嘛！我一窒，但飛已經俾咗櫃面，冇留底，算啦，正所謂‘古聲吞咗落肚’。但光顧快餐店咁多年，第一次咁離行離喇，可以買六合彩！
不出所料，烏克蘭東南沿海最大的港口Mariupol看來已落入俄軍之手。俄軍睇死烏方兵少、武器弱，集中兵力，不惜傷亡，最後總會得手。俄方誓奪此城，除了係俄羅斯最缺的不凍港，也因為Mariupol是另一個大港Odesa沿海北上通往烏東俄裔地區Dunbas的必經之路。烏方守住Mariupol，俄軍就無法由烏東沿海南下進攻Odesa。Mariupol若失陷，Odesa也難守。
烏東陷俄怕在所難免。
昨晚看到實時：紐約Brooklyn區的地鐵有人開槍擊中十幾人，印象中有史以來最多。再看下去，出事的是D線（紐約華人慣稱“車”）和N線共用的Brooklyn 36街站。
我81年由美國首都華盛頓搬上NYC，最初就住在D車的Church Avenue站。後來Google NYC地鐵圖後方記起：不知道多久以前，D車與B車的編號對調，亦即這次出事的線路是我在NYC時的Ｂ車。記憶中，當年Ｂ車（今D車）沿線的地區比Ｄ車（今B車）沿線的地區好得多：環境較整潔、居民收入较高、治安较好、房價（港稱樓價）較高，白多黑少，通常學校也較好（相當於港Band 1、Band2而非Band 3）…。我當年初到NYC，當然只能住較cheap的D車（今B車）沿線。
我住D車（今B車）Church Avenue時，可能是該區以至整個NYT治安最壞的時候。我租住的大廈有不少華人租客。當時治安壞到，日間有黑人青年男子守在大廈門口，見有華人出來就討錢。很多人不敢不給。因為，美國不同香港。香港有人要你俾錢，你唔肯，最多俾人打兩拳、推落地。但係美國，對方可能拔槍，到時你再想俾就太遲。
當時家人一周有幾晚去夜校讀英文，坐D車返離。落車後，要係公用電話亭致電回家，等我出去接她一齊行番屋企。幸虧都冇事。
但有一晚，輪到我大約九點係Church Ave站落車。行番屋企途中，俾黑人後生係不遠處及住。我用競步既速度，對方也跟上離。幸虧此時有同一班車出閘，相信係同我一棟大廈、講粵語既高大華人行埋離，話“唔使驚”。個黑青見有兩個人，而且對方高大，唔敢埋手，係地下執個可樂樽掟埋離洩憤。由此避過一劫。感謝個位Guardian Angel！相信係係唐人街做餐館（香港叫做“食肆”）既朋友。1981年中國已初步開放，有好多四邑人（美國早期既華人移民多來自珠三角既四邑，即台山、開平、恩平...）移民來美。因此，美國講粵語既華人，尤其係勞工階層，有可能來自珠三角。
昨天D（當年B）車和N車的36 Street站有幾個華人青年中槍。事件中據說有29人受傷，但冇人死，仍算大幸。雖然，槍傷也可以很嚴重，留下後遺症。希望上天保佑。我似乎也有朋友住在今D車沿線。Good luck。
沒有留言:
張貼留言