210508六午30°C 67%：未成年既國安人

4個隸屬「光（相信指光復）城者」的中學生，包括1應屆考生，夜間潛入自己中學擬偷化學品，失手被擒。

我出身化學。當時讀化學必定要溝過王水（1份硝酸+3份鹽酸）、搞過氰化鉀（俗稱山埃cyanide，當時可說係最毒既毒藥，一吸入就會凝固啲血，使無法運送氧氣到身體各部位，基本上冇得救。我真喺有個同窗做研究時死於cyanide），算係最危險既實驗。但我生性唔鍾意郁手，讀化學其實唔係好啱，後來改用計數代替。

回到正題，初看標題以爲學生偷化學品係前年既事，依家開審。睇落先知係國安時代既新嘢。

盜竊本來不歸國安，但孭住組織名就麻煩。

且看誰是第一個未成年既國安人？

日前剛有幾個中學生夾份搶金鋪。轉眼又有學生非爲錢去偷嘢。我敢話，絕對會有後生爲咗幫人而偷嘢。

而家啲後生確喺敢爲、有創意。怪不得我地老而不死是爲賊。