210513四晨晴30°C 80%：來得太不合時

處長級警官幫襯無牌按摩，予人太多聯想，何況更係保家衛國既頭。

呢方面既工作，一秒鐘都唔鬆得手。黨百年大慶在即，港有乜閃失，點交代？更遑論連任。

前年班黑衣𡃁幾乎隔晚上街。警方疲於奔命，㩒唔住條氣，拉人擒擒青，偵訊疏漏，予人話柄，上庭被官訓，充分暴露了個人素養既弱點。

而家連處長級都分唔清最低級既避忌，咁就真係該煨。

無論呢位處長點發落，整個警隊都要係個人素養上再培訓。近日睇日劇《龍櫻2》，恐怕真喺要落的阿部寬式既現代武士道重藥。當然，我哋有五千年文化，唔會俾日寇洗腦。上面肯定有更好的培訓方法，《三大紀律八項注意》之類，幫我哋嘅警隊在個人素養上脫胎換骨。