香港繼續日確~0，無奈打針谷唔起。唔及早通關，連任也就冇行。市民唯一既好消息係：入營既伙食據說已獲國泰進至茶餐廳級。由此念到，如果打完針係接種中心即食澳牛，肯定會見多好多後生。
台灣繼續日確>300、疫苗少過荒漠甘泉。至於再入世衛，對岸話over my dead body.女統的歷史地位或會被這波疫情tarnish，但應不影響綠營下屆繼續執政。藍營可信正逐漸升上神枱。不過，對岸若真想在下屆任內「一勞永逸」，咁又係另一回事。
印度死亡突破30萬，媒體自然要炒。但其實，印度人口~4x美國，死亡~美國1/2，亦即人均~美國1/8。要鬧都鬧去年既Donald Trump先。唔係佢掛住鬥爭，美國點會搞成咁。印度會繼續爆，最後話唔定全球最弊，但至今還未有耐。
講到台灣，想起周前港有名人係機場見報，話送伴侶赴台移民。言下之意，自己會番離繼續努力。改朝換代下，港人去台唔奇。記得我講過，如果唔係家人，我都會去，靜的，空間大的，有後yard，大街轉入就係小巷，城市布局、人文氛圍似東京。
本來，上海的弄堂、北京的胡同也有此布局。我細時甚至住過上海虹口的弄堂，滬語就係咁學番離既。只不過而家再也住唔起、人超多，發展主導，所謂火紅年代，悠閒免問，啱的黃金年齡段的人。當然，上去就更要同境外很多channel斷絕往來，出入微信、TikTok…就好。
講番上面個名人。記得去年接掌一個香港開埠以來就係制度奠基石既專業團體，爲此頻見報，闡釋該團體在新時代下的使命。與此同時，舊電池要爲新時代下自己作點準備，亦份屬當然。問題是：按舊朝傳統，當回祖家，講Queen’s English, hang around Trafalgar Square，每日下午按時tea and biscuits…。點會走去用中文，講「國語」、台灣話…，出外辦事，連文件都係中文直寫既台灣(唔怕講，用電腦打咗30幾年中文，但至今未真正試過直打。只在日劇裏見過日本作家在屏幕的稿紙上直打，就像我40年前寫雜誌報紙)？I hope your family will be OK there. Best wishes。
我去台灣行遠路的夢仍在。希望疫情完結台灣開放入境後，仍有力行幾日。至少可以由台北沿着次級公路行落台中，沿途停幾晚。願主賜福。
董老話移民既人冇遠見。我雖無意移民。但怕都屬於呢類。卑微無大志，只求一盅兩件。香港美好的前途，我怕已冇時間睇。只望在路邊飲杯咖啡茶，猜過路的人從何而來、往何處去。至於世間風雲，看在心裡就好。相信God 自有主意.
沒有留言:
張貼留言