210504二晚28°C 80%：無限期待

 林鄭谷針被後生抵制。有專家建議：請一位熱爆美男代sell。

但經理人話：佢自己都未打，且忙於綵排演出。

香港的未來取決於八九點鐘的太陽。領導人不妨三顧studio，英文叫做stoop down to conquer，就抗疫和新時代請教籠中對策。同時最好，請自己的左右手收聲。

偶像肯幫忙的話，上陣個日，全港媒體pre-empt，預約網站預多幾倍bandwith，以防癱瘓。

近日見這位美男長霸娛樂頭條，幾乎落唔到離，都知道係phenomenon。但自問盲毛，應該有30年未聽過一首本地新歌，青春偶像係娛樂版好似走馬燈咁，名同相都串唔起。

初睇呢位美男既名同Look，仲以爲韓星。再睇落同本地既關係，先知係港人。怕五年甚至十年來最勁。絕對要上YT見識。