昨晨打首針。當晚針口周邊輕微腫脹。今朝晨運有一個動作做唔到：平抬打針手，貼胸向另一面伸出。打針手高舉轉動也有輕微痛楚，但無礙。此外無其他症狀。
昨日當值醫生提醒：打針的副作用可能延後。換言之，不排除今後兩周才呈現。那就自己注意兼祈禱啦！
當局谷針出盡八寶。食肆按員工和食客打針的多少，分ABCD四級開放。
從高尚的理念出發，必力踩這種將人當動物，跳一跳食一粒，跳兩跳食兩粒..的做法，但撇開政治，我又唔反對。對我來說，現階段抗疫爲先。
「ABCD」方案使我想起百年前的港語「ABCD，大頭綠衣。」綠衣者，當時警察制服的顏色。大頭者，我估指印度的Sikh教徒。英國人係印度殖民地引入Sikh警察来管香港華人。至於ABCD，我估係話印度警察只講英文。當時能講英文的本地人怕百中無一。
繼內地港人回家易，內地人來港相信也將於月內初步開放。雖然南來後，北返或仍要隔離一周十日，但年半來首次解凍，意義重大。
接着相信會逐步鬆開南北往來的限制，說不定今冬就會恢復到正常時的七八成。當然，到時又冇而家咁清靜啦，有不少人會outcry。不過，呢次冇得上街啦！
與星旅遊氣泡啓動。雖然收費相當於疫前三四倍，但好多人年幾冇旅遊，剩番大把錢，我估都會爆滿既。希望到今秋費用可以落番地，等大衆得以分享啦！
印度慘情，歐美義無旁貸，甚至好似接受「中援」。講到底，13億人，僑民遍天下，唔儘快煞住呢波變種，全世界冇人能獨善其身。
但好多富國送出的疫苗，都係有血栓爭議的英國AZ。到底係自己唔敢用，定真喺多過頭？
沒有留言:
張貼留言