210425日晚23°C 89%：想去新加坡嗎！

變種恐懼漸趨平靜。

閉關逾年後，終於盼來第一個通關的消息：下月26日起，星、港居民往來毋須檢疫。新加坡與港同屬地少物貴的城邦，本來並非港人的旅遊最愛。但打工人餓遊逾年，儲咗大把零用，相信仍會湧去嘆叻沙、肉骨茶，睇空中花園，甚至去浪淘沙玩番幾手。

特區下一個急於通關的。當然係內地。但香港對內地的經濟作用已大減，而且更淪爲反動基地，裡面不但不會降低標準開關，甚至可能吊起離賣：連續清零3周先講啦！鬼叫你疫情多過我地呀！

But that’s MI.我地冇Tom Cruise呀！從實際出發，750萬人或應分爲在內地有緊密關係（主要是有直系親屬、工作、留學者）的A、無緊密關係的B。A打完2針後，過關檢疫或縮短到一周甚至家居。B則維持主流的限制。

當然，人權基要派會大叫：將人分等，歧視！但你話厘！

但世間無時無刻不在按人來區分。例如：我搭車2蚊，相對65歲以下的人就已構成歧視！唔係我有着數呀，而係你的後生歧視我呀！擺明話我老，話我cheap，睇唔起我！一於申請法援，告去平機會！