210403六晚27°C 75%：打針有着數？

今天突破30℃，正式入夏，到處逼爆。但疫情4個月以來最少：本地只有1宗。且看10日後分解。這方面有2單重要的發展：

1.林鄭嫌打針進度慢，話要以政策鼓勵。唔通有錢派？一於取消預約先。因为限聚令俾政府罰咗5,000，打2針派番5,000都好應該。

2.俄羅斯既SputnikV本來聲譽好好，點知而家阿根廷總統話，1月打咗，而家竟然中招！

打咗針中招，通常係因為：打完針要10日8日先見效。例如4月1日打完第2針，可能要到4月中先頂得住病毒。4月1日-15日之間仍有可能被病毒攻陷。

又或者有人係4月1日打第二針之前幾日，唔好彩領咗嘢，只不過病毒要潛伏10日8日先發作，你以為自己打針之前OK，其實已經衰咗，只不過冇病徵，以為冇事。

故平心而論，唔能夠因為有人打完2針仍中招，就話個種疫苗唔掂。關鍵在發病的時間。但而家阿根廷總統既case，就應該係疫苗既問題。

因為，1月打完，照理2月起就好安全，而且應該可以維持半年。冇理由4月初離中招。除非：中招既病毒係勁變種，SputnikV頂唔住！咁就要做研究：到而家為止好似最勁既BTN(即係Pfizer或復必泰)頂唔頂得到？又或者Moderna、J&J，當然還有科興、國藥、印度本土疫苗…？

自己也打咗國產疫苗既大帝怕大發雷霆，咁離丟我面！

希望阿根廷總統早日康復。