復活節看來並未大傳播。會否有第五波關鍵在變種。但由於源頭外來，相信會閘得住。
下個紅假係10日後既5.1。今年office人唔好彩，落在周六，放少一日。但對防疫來說是好事，放少一日少的風險。所以，世間事難免阿A賺就阿B蝕，幾乎冇嘢係對全人類都好既。
呢兩日有3大新聞，而且係landmark性：
港：選舉法完善後，睇離有意重出江湖爲選民服務既一位前民主派（好似係白鴿黨創黨時期既元老）「估」，泛民若參選，有機會攞15/16席，亦即佔全部90席既17%。果真，足以成爲左右重大議案的crucial minority（當然，還有兩院分開投票的問題）。咁即係對本地的750萬人、對全球的75億人都有得交代啦！
有人會笑：泛民唔喺DQ，就係喺境外、赤柱踎緊，邊有咁多人出離選呀？就算夠數，怕都係賣淨蔗，點夠票呀？
Well，I don’t know。但世事有好多時係想唔到既。十年前邊個會估到佔中、街霸、疫情、國安法…，九七20幾年後又有人要移民，而且呢次英、澳、加仲張開手歡迎添。
同樣既，你都估唔到07/08年既華爾街金融海嘯，又有種摸唔到既嘢叫做bitcoin，可以賣到成5萬美金，一日可以上落成萬。
同樣08年京奧前，你估唔到而家國家會咁強大，卻又俾以歐美日爲首既一衆有影響力國家頂心頂肺，幾乎日日都係媒體上開片。
同樣，你十年前點會估到，今日手機幾乎萬能？你第日無論去/入邊度，可能都要出示手機既打針記錄，否則行不得也哥哥！
我打一開始就相信，90席裏總會有3-5隻小小蒼蠅嗡嗡叫，因爲是毛主席說的。但多到15/16席，就真喺冇念到。當然，關鍵係的乜人？點解會夠票？
但好似有標題話，有「中間人」遊說的溫和派。我第一個反應是：被遊說既可能而家係社會上寂寂無聞，但係一的好心人，關心社會，想幫市民，默默地做過的嘢。但關注點可能主要係民生、社福、弱勢…，而非高層次既理念。
而的「中間人」既然出來遊說，相信有的底。只要的民生好人肯參選，會有資源、有機會出線，唔係純粹陪跑。關鍵相信係選前既協商、分票，有Adam Smith既invisible hand.這當然就是選舉制度完善的後果。
寫得太長，要準備休息了。簡單交代另外的兩大新聞；
國際：美日聯合公報60年來首次對台灣的安全表示關注，希望和平解決。雖然沒有說，不安全又如何，但首次公開對中國的神聖領土表示「關注」，對中國來說已有侵犯主權之嫌。我的地方輪不到你來說三道四！
聯合公報發布翌日，日本四大報一齊用作頭版頭條，看來是國策。
體育：英、西、法、意12個頂級球會決另組歐洲超級聯賽。成事的話，將會是革命性的，全世界的職業足球天翻地覆。歐洲足協說：這12個球會一意孤行的話，將會被踢出本國聯賽（也就是英超、西甲、法甲、意甲）、歐洲足協名下的盃賽…。
消息剛爆出來，後續不知如何收科。等着瞧，會很有趣。我真喺唔知道支唔支持好。
Good luck and good night.
沒有留言:
張貼留言