人生很奇妙，很多事純屬偶發。但逼到埋身，又似乎冥冥中有主宰。
昨清晨微雨，侷住在家伸展。但近午轉晴，趁機去深水埗買gadget。
行到個檔口，徐小鳳在唱：
看夕陽 意茫茫 人生滿風浪
…
前途在遠方 要登彼岸 不必太彷徨
要努力 求上進 就算得失毋須較量
豪情萬丈 求向上 莫再回頭望
…
咁老土既歌，只見於呢種平民市集，但在這個新時代又驚人地貼切，點唱歌都冇咁啱。
同日，英國說，啟動BNO移民計劃至今10周，有35,000人申請，比預想多一些。言下之意，HKer exodus呀！
但我一的都唔覺得意外，起初多人湧去好正常。
我估第二個階段會回落番的，大勢要睇多幾個月。
如果我前年夜晚上街衝過幾次，即使冇俾人charge，我都會第一時間申請，以防萬一。我睇日劇，據說警方有軟件可憑人行走時手、腳、身軀擺動的角度、幅度、頻率…區分唔同既人。一句話，冇兩個人既行動pattern係完全相同既，蒙住面都認到你。用軟件逐個match的勇武人，挖人出離，係AR，唔係科幻。
但我唔係想講呢的，而係45年既「夕陽 前途在遠方 要登彼岸 不必太彷徨」，竟然好似唱俾而家的後生聽。當街離播，咁啱咁橋定有感而發？
我還是那句，我已老到冇得好移，也唔覺得香港咁衰。我唔會鼓勵人移，但好明白有人爲何要移。毛主席話齋：天要下雨，娘要嫁人，由得他去吧！冇得say no，也就只能祝願。
但自己幾十年前曾經移過，而且唔喺精英式移，而係平民式移，多少明白過渡期的艱難。
正如徐小鳳唱：
「要努力 求上進 就算得失毋須較量。
豪情萬丈 求向上 莫再回頭望」
講得難聽的：人離鄉賤。在港慣咗，出外投奔人地，工作生活點都冇咁就手，好多專業資格可能用唔到，要stoop down，但不一定能conquer。xx師可能要揸車送貨、做樓面，收入只有香港三四成。更不會有阿姐幫手打理屋企、湊細路。
「要努力，少計較，…莫再回頭望」
天無絕人之路，你的奮鬥，一定會在下一代的成長中見到。
徐小鳳呢首《人生滿希望》（中島美雪曲 鄭國江詞）的另一節係：
「看夕陽 意茫茫 情海滿風浪
情人在那方 我天天在癡心盼望
愛共情 何處是 如今太失望
情人在遠方 愛的希望 只恐太渺茫
愁與恨 毋再復記舊愛深深留心上
柔情萬丈情至上 願以情為岸
看夕陽 滿盼望 何必太失望
毋用淚滿腔 信心堅強悲哀化力量」。
這裏的「情」，對本土後生來說，或者就是對香港的愛。
但「那方如今太失望」, 「愛的希望 只恐太渺茫」
有的只是「愁與恨 毋再復記舊愛深深留心上」
要「滿盼望」，勿「太失望」，「毋用淚滿腔」，將「信心堅強悲哀化力量」。
God bless everybody.
沒有留言:
張貼留言