210312五晚23°C 75%：準備捱第五波

 3.12突然60宗，将近2個月來最多。

一間gym一日增47宗，勁過上次既舞廳。而且，疫情委實all persons are created equal.過去兩三個月，由中上層既舞廳落到基層，而家又番到上層。連國際學校都有，怕唔少得西人和中外通華人。

第五波？雖不中亦不遠已。又再準備捱啦！

但又話唔定壞事中有好事。4位長者打完針身故後，疫苗有的濕滯。而家爆一爆，怕又多啲市民博一博。局長話齋：利多過弊呀嘛！

話啲人做嘢嗰時唔帶罩窩。梗係啦！記得去年7月gym解禁。我一上跑步機，阿Sir就叫除口罩，怕唔夠氧會出事。的確，近日行斜路練氣，行到咁上下都要拉低口罩，否則唔夠氣。

做gym undress好正常。記得62年第一部占士邦片“Dr. NO”既Ursula Andress嗎？一開場，三點式出水上岸，風流倜儻既Sean Connery企係海灘上睇到咪咪嘴。座上既好事者即刻爲邦女郎元祖起花名：Ursula Undress！估唔到而家輪到香港上演Ursu undress。

前司長話，有咁耐風流，有咁耐折墮。

發完噏風，重回正軌：

薑還是老的辣。班後生專家爲疫苗解話一鑊泡；大港手一句定江山：

運動時勁噴氣。健身除口罩，風險6倍於食肆。

我即刻聽話。最近每日食晏後外出散步。今午特登避開運動熱點。我本來就怕啲跑步友，迎面而來，兜頭兜面噴到你暈。而家更避之則吉，改行鬧市，去茶餐廳食下午茶好過。食肆安全過做gym呀嘛！

港選舉清場，人大通過如儀。留番個立會三種議席既比例，睇港人點揀。與此同時放出溫和言論，撫慰民情。

接着怕會摸底。另一方若人人都誓死不從，最後或索性40:30:20；若有3-5人願當「loyal opposition」，爲國出力，也不排除鬆章30:30:30。

總之，理想的安排係有幾個「魏徵」，處處爲皇上着想，苦口婆心。西方縱不以爲然，但港人冇咁多嘢講，就算是交代。

其實，「愛國」冇人敢話唔啱。關鍵係點界定。港人百五年來慣咗，難以接受黨=國，更遑論黨>國。但這正是中國核心的體制，奈何！

緬甸示威增10死，中俄坐鎮的安理會終於譴責暴力鎮壓。但美歐繼續懶理。

與Trump相比，Biden抗疫循序漸進，有條理。我如果係選民，俾佢80%。

打疫苗可在室內聚會時免戴口罩；5月打疫苗不限年齡；希望7.1獨立日全國獨立於疫情。好安排，希望成功。