210314日晚21°C 82%：半個鐘後，貴客自理！

確診最近3日60-47-24。西人gym圈子細，傳唔開？如果聽日都唔反彈，gym組警報或可解除。

擒晚上載博文後先知，日間又多2名打疫苗既長者離世。亦即科興開打後，累計有6名長期病患亡。

當與此有關，目前有得打既優先組多觀望，每日唔夠2萬。若此，要打夠七成亦即500萬市民，達到群體免疫，要拖到年底。

但林鄭明年此時就博連任，肯定有人同佢爭。領導人上週先督促港抗疫。如今擴大注射面，當係要大家盡快赤膊，幫佢省靚張成績表。但市民唔Like佢，點肯捱義氣呀！

唔怕講，我本來準備第一時間打㗎。無奈最近有啲condition，撞到正。無謂博，預約咗都收番。

至於局長今午話：〈倘過敏通常於打針半小時內發生〉（RT），即喺話：上述6人離世與疫苗、政府無關！半個鐘以後嘅事，貴客自理。有事睇急症啦！