210307日晚20°C 87%：且看BNT開打後反應點

今晚落筆又遲咗。

謝網友留言。誠然，美國兩黨歷來約各佔一半江山。但4年後下一次大選，全球聚焦的不是民主黨對手會否勝出，而是：是否由Donald Trump出選？換了其他人，無論是Pence, Cruz, Pompeo..，美國選民以至世人，絕對沒有那樣關切。

無論你擁還是反Trump，誠心祈禱啦！

至於今後既政制，總之就係清場，以後滴水不漏。最多係毛話齋，象徵式地留「幾隻蒼蠅嗡嗡叫」，無關大局。到時如果叫得大人心煩，難免一拍扑落離，一勞永逸。

總之，擺明係退回到肥彭前。原因同樣好簡單：毛話齋「矯枉必須過正」。港青19年衆志成城，將政治光譜向右推到+08。而家上面就掉轉頭，將政制向左退回到-0.95，特登要你不但冇賺，更偷雞不着蝕把米。唔咁辣，又點叫《厲害了，我的國》呀？

總之，再講嗮氣。

疫情續低迷。但打科興後，又多2人入ICU。委實有的無厘頭。希望快的澄清，否則長線凍過水。

BNT第二批到貨，量更多過第一批。且看日內開打（昨只供醫護打，未輪到其他市民）後，有幾多負面傳聞。

我信「大港手」：BNT功效勁的。但我估，萬一有副作用，也可能較厲害。一眼針冇兩頭利，好事。如果A、B兩種疫苗，A功效好、副作用又少，B搵阿茂幫襯乜？

For the record，韓國唔知點解，打英國既AZ繼續有人死，累計將近10人。但無論韓國和AZ都未明確地交代。奧地利也有女士打AZ後死亡，已暫停接種AZ。

至於CNN說，美最快6月可達群體免疫，我最多信3成。全民接種過程中，難免有意外，導致延遲。又或者注射後，民衆急不及待放鬆社交距離，引發新一輪疫情。