港兩種疫苗，一中一西。本來據聞，國貨保護力雖不及洋貨，但副作用也較少，較爲安全，適合老弱。
故安排國貨先到先打，讓愛國/建制市民帶頭，打完出黎讚好，既可振國威，更可避免市民，尤其係黃人，爭相打洋貨，令國貨受冷落。
一衆後生專家開打前落力爲國貨護航，相信正因爲，港已進入新時代，有必要讓國家有face，以免有人借杯葛國貨來宣洩政治情緒。
點知會咁邪！國貨大概打咗一周幾萬劑，竟會有3位體弱的中老年市民在注射後三幾日內離世。
誠然，死者本來就體弱，甚至有比較重的長期病。但呢種國貨“科興Sinovac”已在好幾個國家開打，未聞有嚴重的副作用，更遑論死亡。點會離到香港就搞出的咁既嘢？
我唔喺專家，唔識life science，所以唔怕講，你唔使信我。
但直覺上，唔相信呢3位人士既不幸，係打疫苗造成，而比較相信係，時間上撞到正，認真唔好彩。
若此，會唔會因爲打疫苗，加快咗呢3位人士既病情，過咗臨界點，我唔敢講。
只能夠話邪。事前爲國貨精心安排，點知俾人殺個回馬槍。
班後生專家照例話死亡與疫苗無關，但講唔出有說服力的理由，純粹係官話。
呢兩個後生專家委員會，同最初個四位「老」嘢差天同地。怪不得獲得重用！
同樣邪既係：據今晚19:33 RT實時，當局至今收到”45“宗接種疫苗後住院及嚴重等異常事件。但據我的記憶，其中很多宗都出於同一個接種中心。爲免被話label人，呢度唔點名。但一Google就知。
就在昨日，奧地利有護士接種英國的AZ後死亡，當局立即停用同批次的AZ。奧地利當然冇證據話個批疫苗有問題，而只係better safe than sorry。若此，港爲安民心，係唔係都檢查個間中心用既個批疫苗？必要時停用，換過一批再開打？
沒有留言:
張貼留言