2017年9月23日 星期六

170923六近午28°C 93%:Waiting for ApTen & Bannon's mission

   港人今天怕不是八〈火箭人將太平洋爆氫彈激死癲老坑,甚至不一定是城巴在我的香港第一居所欽州街上路3死29傷,而是愛瘋8/8+昨一出就燶,大家都等X阿哥。
   我唔瘋果,亦唔反果。用過MacBook五年,Like Apple既靚同順。家人更舔果。我冇「瘋」只因貴。唔識影相、少睇視頻、少po fb嘅light user,使乜Super Retina?
   阿8叻唔過阿7幾多,引起了兩極反應:人人等爲下世定調的X哥,其餘的等阿7大劈價。但阿8若冇人吼,阿7會企硬。官網的差價不足兩成,逼你上8。既已去到六千,威同過時既face點止值一千。
   我有本錢瘋,一定等X哥。官方話唔係英文X,而是羅馬數字,即係十/ten阿哥。信教的話,亦可當十字架。愛瘋的決策team顯然識粵語(本土應叫香港話)。想我踩落去9的陷阱,冇咁gau易!
   相對掃面解鎖,我更想知IOS 11有幾好用,希望逼Android跟上。不過,Android機好鬼孤寒,通常換機先俾新OS
   居美親友今天的話題相信是:〈FT﹕王岐山北京約會Bannon號稱極右的前美國「國師」日前來港,我就估不會只是搵銀的speech tour。
   爲政治爲投資,很多人想請教他前老細如何癲法,最怕出錯招。但沒想到中方咁高調。71年基辛格首次上京會老毛,假道巴基斯坦還要詐肚痛,去中南海排長龍。
   美特炒Bannon係周瑜打黃蓋?若在京祕會火箭人密使,也無須驚訝。

沒有留言: