190617六晨29°C63%：炒7莫note七

    有冇斬獲？i7 Jet Black亮黑2萬2獨秀，但其餘型號燶咁講。借i7完勝note7，華人最叻sip位。趕潮是新富的病態：發得越快越想用錢來自詡。但看捉精靈就知，多屬過眼雲煙。
   對俄黑客不得不Like一次：專查運動員的禁藥組織被踢爆寬歐美，放生美國的網球細威、里奧體操四金的黑珍珠等。情報出身的普京事前真的不知愛國黑客做嘢？
   十一前逼宮？前稱本月決定是否爭取連任的特首繼續俾人咒。繼傳聞其同宗已有班底，還說《港版希拉莉放假上京 阿John握完金手後會政商猛人接地氣》。你寧可邊個上?
   《The Purge國定殺戮日》系列新片《Election Year》借今年大選過橋，港譯『大選狂屠』：Hillary vs Trump誰屠誰？
   加靚仔總理首次來華後，中國counterpart回訪前交還『間諜』。中國想換乜？
   聽日靚太防相訪美讀英文稿，睇字幕先明，但已好過日劇裡的日人講英文。日人的英文比20-30年前應已有改進，無奈日語音調太簡單，始終學不齊外語音節，想講得正極難。
   但莫笑人。本港公共場所的英文廣播粵音/內地音充斥，好刺耳。粵語新聞讀英文名，同樣睇字幕先明。問題或在懶音。有晨早粵語男主播自報姓名，我點都聽唔出字幕打出嗰三個字。
   《記者用螢光漆踢爆紐約酒店無換床單》：咁啱做project講HPV。以後外遊要帶齊睡袋、廁墊（網上有賣）等與皮膚接觸的用品？
   《女友與喪屍有10大共通點》?AD話睇過港最賣座韓片《屍殺列車》就明。