240215四年初六夜22°C 65%：肥肥地好得意？

    年初六，下午好像有25°。歷史高溫是多少？
    過完年，政府運動班復課，不過換了徒手班。原來仲辛苦。
以往上器械班，自己隨意做，可以同同學傾偈、飲水、check手機…。徒手班跟教練做足一個鐘，冇得偷雞。
    最辛苦既係後半小時瑜伽席上的臥式。係席上轉身都有困難，起身唔夠力，甚至有點暈。我不事瑜伽，原來係先見之明：完全唔係個皮也！
    但辛苦都好既：逼我勤力。想縮短生命最後一段不能自理的時間，一要keep住運動，二怕也要好運，盡少意外。我信天/神，希望天助自助者。
    何詩蓓昨世錦賽200自長池首次得金係好事。但實事求是：上屆3甲都冇參加。對方因傷？留力？…總之，雖然得金，但成色唔係九九。祝Siobhan再接再厲。
    起初是黃的以體育獎牌來強化本土意識。許是看到這種意圖，如今藍的將體育攬上身，全力支持，以體育成績作為新香港的標記。但似乎雙方都過猶不及，只怕會造成反彈。

摘自MP240215

    700萬人的體育不可能在國際上瓣瓣都排名先列。全球有80億人，港人有三幾項能穩定入八強，就足以自豪。再往上谷，只怕心頭越大，失望越大。
    原來繼20年前董時代的飛龍，香港的李時代有新的lucky charm。同樣係歐美設計，這次是一個大紅心內坎幾個細心的巨型氣球，稱為Chubby Hearts（右圖摘自MP）。使唔使$500萬？
    Chubby者，肥肥地，但係恭維而非貶意。初識此字，係60年代以Twist/扭腰舞風靡一時的美國黑人歌手Chubby Checker。此人肥肥地，但身軀靈活，善舞。後來更玩彎腰跳踏步過低桿的Limbo Rock，所謂”How Low Can You Go?“
    但唔知你覺唔覺得，呢個新lucky charm或會引起某啲遐想？最怕俾人上網唱。
    美國的Kansas City居民為本市的美式足球隊奪得年度總冠軍而大喜。不料殺出個程咬金，有人向上街慶祝的市民開槍，導致1死29傷，變成悲情城市。

    不過，這在美國幾乎是常事，關鍵是何時輪到邊度即，純屬機率或者說運氣問題。
    香港其中一種最寶貴的價值是安全。並非沒有兇案，但絕少落到無緣無故的人身上。
    警務處長以新加坡為例，說本港今年擬在街頭增設2,000部CCTV，不排除加入人臉辨識。專門唱衰中國的台媒和美國官方電台連忙高呼：香港‘新疆化’！
    我倒不怕，主要是無為。
    但有人反對，我可以理解。看刑偵日劇，日本不但用CCTV辨識人面，即使有人蒙面套頭、低頭急行，警方也有軟件可分析其步姿，包括步距、步速，四肢擺動的頻率、幅度、角度，整個人走動的姿勢，來判斷是否罪案的某個關係人。
    上述的軟件如今更會加入AI智慧辨識，相信任何人都走唔甩。
    今天國際上最重要的新聞也許是：
    俄統說：寧可Joe Biden連任，好過俾Donald Trump翻兜，因為較為predicable。
    言下之意，阿Trump天馬行空，無法預測。
    你猜中國領導人又怎樣想？

    明年初七人日，祝大家快樂。