240207三晚15°C 85%：美斯話：寧教我負港人，休教港人負我？

    正如很多人，Messi一到日本就不再傷到不能出場，我也料到。我後知後覺的是：直到昨天還不相信，球王在港全場坐冷板，板臉離場，與政治有關，並非簡單的商業/職業問題。要到今午，飲飲下下午茶才突然念到個wild guess.
    但一無證據二無情報，純屬斷估。就如刑偵劇裡既兩種警探：A派信證據，最好係實物；B派信直覺。A vs B相當於哲學上的唯物vs唯心。我今日的頓悟純屬唯心，只能當玩，千祁咪當真。
    美斯16-17歲就打巴塞正選，而家36/37歲，走江湖已20年，乜場面未見過。佢本性上係好好先生，知道萬計球迷為佢而來，俾佢揀，應該至少會落場十分八分鐘，耍番幾下花槍，有個交代。

    而以佢既江湖地位，只要佢想，班主、教練唔會逆佢既意，係都唔俾出場。但這次在港一的面都唔俾，背後原因應該唔係咁簡單。
    今午我突然醒起：佢而家踢美職，一旦涉及東主國眼中的大是大非，點都要遵從其國策。香港排頭的幾名司/局長係白宮眼中的“拒絕來往戶”。‘美國’運動員點能夠同佢地握手言歡？

    不只此，美斯所屬既“國際邁亞密”位於Florida/佛羅里達州。佛州州長Ron DeSantis反華仲狂過Donald Trump，只不過在右派選民裡人氣差得遠，角逐共和黨總統提名不敵而已。但國際邁亞密若俾州長覺得‘資敵’，今後在佛州怕冇好日子過。
    更麻煩的是：民望高過現任總統Biden既阿Trump，私人既別墅Mar-a-Lago就係邁亞密地區。換言之，國際邁亞密班主碧咸同美斯都係阿Trump既隔離鄰舍。與‘敵人’握手，萬一Trump再次入主白宮，只怕冇定企。

    誠然，香港目前既新時代始自2010中，至今已三年半，上國際頭版既黎某國安案也已開審了一段日子。但國際邁亞密食香港茶禮時，可能冇念到會咁嚴重。不排除是飛往香港途中，接到警示，只好夾硬縮沙：寧教我負港人，休教港人負我！