221116三傍晚24°C 78%：太多「巧合」

    *仁川七欖中國國歌事件：就此刻所知，國歌檔案交付過程：港欖->亞欖≠＞韓方。

    亞欖收到國歌後冇轉交純屬無心之失？此前七欖喺泰國打，亞欖亦曾交中國國歌俾泰方，點解又OK？
    交中國國歌俾泰國同交俾韓國點解會差咁遠？
    *在印尼峇里舉行的G20今午閉幕。英揆今臨時取消與中國領導人的會談。

    你信真係因為：波蘭接近俄羅斯邊境的村莊被導彈擊中，有平民傷亡，英揆要臨時改行程？

    誠然，英國與波蘭都係北約成員，盟友遇襲，英國有責。尤其是，西方懷疑導彈來自俄羅斯。但G20峰會上點只英國一個北約成員。同場的美國總統就說，導彈不太可能來自俄羅斯。英揆比美統更緊張？

    *日前看到高院65歲的英籍女官就一宗走毒案的判決就傻眼。即便像我這種法盲，憑常理都明白終院就此案的批評。

    被告是68歲的英籍旅客，帶粉從南美飛抵香港，人贓並獲。但法官認為不能以其WhatsApp訊息為證，終止聆訊，不禁止其離境。你係被告，都知道點做啦！

    這是高院法官，循地區法庭晉升上來的，不可能連常人的常理都冇。

    或純屬巧合，放人的法官與被告係同胞，而且年齡相若。

    而且，這位「高」官8月已請辭，目前只係等滿一年離任。到時仲會留港等抽秤乜？

    咁又唔怪得，本港最出名的被告黎智英申請終止聆訊，控方唔肯接受被告係英國請QC離打涉及中國國安法的官司。

    港人一向當法官係神，回歸後更將法治捧上天，借離頂住共產黨。只有我咁無知，先會就法律亂up。

    希望一眾靠法律做盾牌的有識之士，多多指點我地的小民。