221104五晚22°C 80%：球場空蕩蕩，大人長戚戚->221105周六更正爲〈7欖頭炮2萬4 0+3下算係咁〉

摘自221105周六MP

摘自221104周五hk01

   221105六晨鄭重更正：以下的博文是昨周五晚上的。翌日周六晨閱報：各大報都說周五7欖開打有2萬4萬入場，亦即八成滿。周六回看昨hk01的空座相，怕係剛開賽仍屬冷場時拍攝的，接着的~一個小時，球迷才涌到。若因此而造成誤解，特此致歉。

至於本博的標題，也應該按照事實改爲〈7欖頭炮2萬4 0+3下算係咁〉

我地拜完2日金後，彼此「欖」番3日，閉關將近3年後的重開大典就算完成。
    但睇港媒今午的大球場相，席上人人躺平怕都填唔滿（右圖）。
    誠然，今日只係初賽，斐濟都未出。但如果聽日場內都咁「吉」，與期望既落差都幾大。
    其實係人都知，想要「鬼」都離，仲要多的「鬆手」！人地慣咗自由放縱，歐美出入境早已不設防。呢兩大洲既後生，係自己地頭度假，機程不過三幾個鐘。去香港要十幾個，到埗後頭3日仲唔俾入吧「溝」，當晚要獨守空床。俾你都唔制啦！
    唔怕講，我真係好同情hk01今午報道既個位南非欖友。機票肯定幾萬銀，落地先知頭3日唔入得球場。甚至唔入得吧睇轉播，與同道一齊嗌，要一支公wan係酒店房睇電視轉播。唔fuck到香港暈？
    「0+0」暫時無期，大家都明。但咁就無論點tum，的鬼都唔會離玩架啦！最多出差既者。遊客只能靠東亞的鄰國。但香港景點少、物價貴，疫情下又唔夠放，即使區內遊客，怕都揀日本、泰國、星馬。
    不過，香港並非斯人獨憔悴。台灣也有同樣的問題。下週一起對港澳重開「遊門」。但限跟團，搵阿茂去咩？1.5鐘機程，物價平，語言冇問題，地方又唔大，有幾多港人未去過？使乜你帶隊？ 

    *財爺上週在沙特染疫後報稱治癒。週一返抵，但入境時核檢呈陽性，仍獲得放行。記者deung住，質疑防疫對權貴鬆手，對市民緊手。
    我也相信，財爺這次多少獲「優待」。但我看的是現實：法規不是絕對的，任何法規都可能遇到特殊的情況，不得不考慮「法外情」。

    週二「拜金」大會開幕，一眾外賓是財爺代表特區請來的。財爺作為大會主人，按理要率領一眾副手在大門口迎賓，連週一晚可能都要幫忙接待。應該因為他入境時核陽而「依法」踎係屋企，臨時由副手主持大局？

    副手代勞對大會的成果縱不會有大影響，但關鍵在香港的形象。呢個會恐怕使咗幾千萬。財爺只要能上，是否應盡可能維持原定的安排？
    當局說，財爺核檢雖陽，但CT>30，不會傳染他人。換言之，放行有理。但如今反對才是真理，多數人會懷疑當局自圓其說，甚至數據造假。
    我唔識CT的科技，只能聽專家。但如果財爺既CT值唔掂，當局敢唔敢公然老作？
    講到底，人心有結，就度度都只睇到問題，而唔係答案。呢個社會有病。