221114一晚24°C 79%：真係「誤」得咁勻循？

    習拜會此刻正在印尼峇里島舉行，怕要香港時間接近午夜才會有公佈。
    首先要為昨天的博文鄭重致歉，尤其是對身為美國選民的親友。家庭團聚了一天後，入夜回到家後，匆忙上博，亂點鴛鴦，互易了美國兩黨的次序。今晨才更正。
    最近頻出大差錯。除了匆忙分心，不排除心智隨年歲而衰退。最近看當季日劇，隔一周後看新的一集，經常叫不出年輕主角（類似香港MIRROR哪一類）的藝名，要過一兩個鐘才「醒」起：哦，「xxxx」！即便看了好幾年的知名兿員，不看一年半載後，再看時也會叫不出。希望不是老年癡呆。
    港今日算好彩：荃灣線今晨第一班車就復常，萬計返工人得免逼巴士。修理工昨晚通宵辛苦了！

    還有的好消息是：二價疫苗預料聖誕開打。還欠一針的朋友有福了，天國是你們的。我月前已打了4針。二價怕要明年春天才打了。
    至於即日的新話題：你信韓國仁川host亞洲七欖時，將《願榮光》當國歌歡迎港隊出場，係出於「誤」？
    香港幾十年，大小歌曲冇一萬都有九千。咁啱咁橋錯得咁勻循？
    對香港來說，即便播錯「三民主義，吾黨所宗」都冇咁嬲。至少係國民黨黨歌，唔喺台獨進行曲。共產黨都認國民黨係革命

摘自hk01

先行者。

    但事發在韓國，個個所謂「入錯歌」既職員，99.9%係韓國人，點輪到香港問責呀！你估我地係美國，有long arm of the law乜？
    正因為此人肯定係韓國人，唔怕話我害人被拉，先至大膽講，此人只有兩種可能性：1.支持港社運；or 2.收錢做嘢。韓國人性剛烈，愛政治鬥爭，我估九成係1.。
    但即便入錯歌，播出前冇上級逐隻國歌聽幾句，確認無誤既乜？ 
    所謂道歉，攞離講啫。米已成炊，最多炒咗最低層嗰個囉。再混唔過去就判佢疏忽職守，坐十日八日監。
    香港唯一既約束力，係杯葛主辦者的下一圈比賽。但講欖球，香港唔喺斐濟、澳洲，jetso不多。
    但經一事長一智。有關官員問：要準備再遇到這種情況時，在場的港人應如何反應？

    有些國家隊相信會拉隊離場，退出比賽。香港今後會否仿效？
    但這次沒有經驗，不應追究港隊球員。欖球尤其棘手：外籍港人恐怕佔半數，他們對中國國歌只有尊重而沒有pledge的責任。播錯國歌，不一定所有外籍球員都察覺。
    政治上，國歌事件反映香港國安法高懸，無法公開反對，一切由明轉暗。
    有人收起政治、繞過國安，按中央指示，借民生重新出發，為市民爭房屋、醫療、教育、環保、公平…。因此，而家無論當局係民生上出多少招，民間都會搵到不足，提出更多的索求。
    反對者不再武鬥，改而為民爭利，這其實是一種進步。
    但要反對者心服，那是逆水行舟。再努力怕都要十年八年。