220227日晚18°C 86%：聽日去到4萬？

計埋市民自測陽性後，昨日確診飆到2.6萬也就唔驚奇。

市民搶購自測包加上高風險行業測試員工，可能有幾十萬人隔日自測，每20-30人可能就有1人陽性。聽日公佈既今日數字即使去到4萬都預咗。

同期內，疫歿亦日增，以致今MP頭版頭刊登紐約市兩年前爆疫慘情的港版：一個個黑膠袋綁係擔架上。每個袋上有張紙，相信係ID。

希望一周十日後，唔會多到學紐約，要係醫院門外，用冷凍貨櫃來暫儲，甚至挖坑齊齊入土。

大港手建議：家中若有幼兒或長者未打針，全家每人宜隔日自行快測，一發現有人感染，立即家居隔離，亦即閉門做宅男/女。

但若住處只有200呎上下，頭尾打通，怕只有在手術口罩外加布口罩。

萬一唔夠快測包，在家除咗戴雙重口罩，要保持社交距離，keep a distance from the infected。

要注意的是：幼兒感染的症狀可能重過成人，最極端的話會腦腫脹。

為了加快打針進度，第3針已基本決定由第2針6個月後，斬半至3個月後。

這次O波比較怪的是：除咗香港狂爆，內地適逢冬奧，好落力㩒，但此起彼伏，成績不如過去2年理想。韓國也好唔掂，4,500萬人口，近日～20萬/日，遠超香港。550萬人既新加坡也日日過萬。反而1.25億人口既日本相對較少，2,300萬人口既台灣更每日只有20上下。唯一既解釋係台灣冇香港咁國際化。

俄攻烏進入第四日。基輔被突破，但未失陷。俄軍攻城受阻可信。但烏方和盟友公佈的勝果too good to be true：擊斃3,500俄軍、擊落成百架軍機、坦克幾十輛...。睇敘利亞、阿富汗內戰的報導，未 聽過幾日傷亡過千的。再說，摧毀這許多戰機、坦克，殘骸的照片早就傳遍全球。

俄軍攻基輔受阻，除了烏軍抵抗，我估俄軍有顧忌：不能摧毀城內的重要地段、建築、幹線，盡少平民傷亡，以塞國際的口。最好是逼對方認輸或政變，故進攻時投鼠忌器。反而，烏軍背城借一。

但殺手鐧還有無人機、精準導彈，且看何時出動。

全世界似乎都同情烏克蘭，但愛莫能助。這就是現實。

此前原來西方已不止一人提醒烏克蘭：想「生存」就勿加入北約。言下之意，俄國必不罷休。但烏克蘭民族志氣高漲，不信邪，更逼北約快點接納其申請 。現在是捋虎鬚的反應。

俄羅斯更趁著攻烏，警告北鄰的芬蘭勿加入北約。言下之意，否則就輪到你！