初九確診回落約15%，但99.9%本地，且初確高達800，一日既回落怕只係統計上的deviation ，後市仍然看升。
有官方專家警告，3月飆到頂時，日確會過萬。為免醫療崩潰，呼籲封城一周。
我個人唔怕。問題係封城亦即全市戒嚴，750萬人唔准踏出門口。香港社會鬆散、市民各行其是，唔似上面全民統一意志、政府強大有力、管治資訊通暢、小我成全大我，一個城市一兩天內就能完成類似備戰動員的部署。香港能否在預告封城1-2日內，完成必要的部署？
記得前年年初，意大利有二三線城市一度學武漢封城。但1.人口可能只係幾十萬，2.期間食物店和藥鋪可繼續營業。換言之，仍可落街買餸買藥。但香港人口超密集，封城期間開超市的話，人頭湧湧，實爆疫。故只能閂嗮所有舖頭，要全民趕係封城前，買足一周既餸、母嬰和清潔用品。到時超市裡實打大交。未開始封城就俾西方唱到暈，借離鬧中國。
再說，全港怕有千計既獨居長者，其中不少老弱傷殘，佢地點抬七日既餸番屋企呀？有的甚至煮唔到飯，平日靠社福機構上門送飯，我係街就見過。叫呢的人點捱？而家人權大過天。封城期間，萬一有獨居長者在家訓低，甚至捱唔住尋短見，必成國際新聞！
此外，內地封大城，好可能要出動國企甚至武警、解放軍幫手運送、分發民生必需，例如送飯送藥甚至上門急救。內地人視解放軍為自己人、子弟兵，見到軍人好放心。香港人聽見就驚，有的人更仇視。所以，內地既成功經驗，香港好可能係學唔到既。所謂各有前因莫羨人。
沒有留言:
張貼留言