全民檢測仲有大約十日就殺到：每人3次，依身份證，想走都幾難。
加上建制報的「半封城」預告，撞正歐美全面鬆綁，香港與歐美日的社會氣氛差天同地。來自西方的人包括華裔，可能上演Exodus，飛歐美單程隨時炒上三五萬。西媒有得講。
當局唔敢話，強檢走雞點罰。但總算略為收緊口罩等措施。
受限於寧縱勿枉、疑點利益悉歸被告的英式法治觀，港即使面對亂世也不敢用重典。規管者係公務員，懶於執正離做：取證辛苦，得罪市民，俾人權團體媽，甚至俾法官柴，攞苦離辛。眼開眼閉坐享長糧唔好？。
本博講過，去西人出沒的區行下就知，唔戴罩的不夠百分之十，但大概十有一二戴係鼻孔以下。後者照樣對住你噴氣，根本冇防疫。但萬一見到警察，就拉高口罩，吹呀？
疫情至今兩年，只有幾個case告西人。多少係殖民地遺風 。
昨日「真」確～6,200。但當局估計，因為冇病床而滯留家中的染疫者高達3萬。
唔怕講，我覺得，當局呢一波既公佈好「攻」心計。尤其係話一老一幼死唔停，正中不見黃河不流淚的世界仔心態，即刻趕去打針。
近日見「真」確徘徊係6-7k，冇幾何級數(亦即2,4,8,16)咁升，又話case多到計唔切，確診數已冇意義。咁又公佈成官方記錄？
今日林鄭宣布全民強檢前幾個小時，由官方專家主持既醫學院推算：到下月初亦即十零日後，每日「真」確會去到18萬+，即係今日既30倍，日死100人。
這使我念起近月美國對俄國攻烏的心戰攻勢。據說，白宮吸收了20多年前打伊拉克的情報錯誤(薩達姆其實沒有WMD)，呢次落力收集情報，搶先發布以pre-empt：講定先，講到盡，以致冇人唔信，希望俄國箭在弦上的一刻，在國際壓力下back-off...。
我地抗疫，而家好似都用緊講定先、講到盡的辣招。但你信十日後會去到18萬？的確，韓國而家係呢個價位，但人地既人口係我地6倍。
大家怕要冷靜的，撇開政治信仰(不論藍黃黑白)，用常理念念。針應該打，口罩應該戴，人多可免則免，但唔好信有色的數據。
話到底，中央恐怕仲緊張過香港。呢750萬人抗疫的成敗，關乎中國特色社會主義vs西方自由民主人權孰優孰劣的比拼？誰是全人類的榜樣？今後世界應該跟中國走還是西方走？
So, we shall overcome. 香港唔會陸沉。當然，會辛苦的，但最後一定勝利！
沒有留言:
張貼留言