220225五晚15°C 73%：基輔已被俄軍攻陷？

 今日公佈既確診果然破萬。接著我估會1.3萬、1.6萬咁上。但只要內地助力能迅速起作用，可望10日內到頂，最高點或者2.5萬。與新加坡相若，但人地行共存，我地行清零，相對失威。

今日港人另一樣關心既怕係英國擴大BNO移民計劃：不持有BNO的97後出生一代，只要父或母持有BNO，本人可獨立申請移民，父母無須陪同。

但今日真正既歷史大事係：烏克蘭首都基輔Kyiv街頭見俄軍車，很可能已失陷。俄軍多路進攻未夠48小時。烏克蘭總統話該國孤軍作戰，言下之意，西方不出兵，單靠制裁不能救近火。

但不出兩日就失陷，說明雙方實力懸殊。所謂全民動員純屬空話。反過來，多少說明西方點解唔肯出兵：知道俄國有幾多料，以及大帝和俄羅斯民族的強悍，最怕拖自己落水，到時無法抽身。

今天看建制報，明白多咗的搞到咁既理由。烏克蘭族好多人有強烈的民族主義，說白了就是反俄羅斯族和反共/威權。現今的總統即屬此類，急於加入北約，獲得保護傘以抗俄。

普京此前一再警告，北約若因為烏克蘭加入，而係邊境距離莫斯科幾百公里部署導彈，絕不罷休。這有點像1962年既古巴危機：蘇聯將飛彈運去距離美國約只有三百公里的古巴。美國總統甘迺迪/肯尼迪向克宮下「通牒」：不移走我就郁手，逼使赫魯曉夫撤回飛彈。

如今大帝更惡，直接出手。看來會憑軍力推翻烏克蘭的反俄派，由親俄派當政，取消加入北約，恢復蘇聯時代與莫斯科的關係：細佬跟大佬搵食。

烏克蘭族當然唔 Like，但不幸位於最強悍的大族隔離，無法獨善其身。

可信中國對此問題會及得好緊，作為解決自己問題的參考。