220217四晚15°C 85%：全民強檢殺到

果然，昨確診飆上6字：6,116「真」確，6,300初確，多24人疫歿。

且看聽日公佈既今日確會唔會上8。

呢一波，公佈疫歿數據正中一老一幼少打針的死穴。港人精明，未殺到埋身時，似乎人人都想人地打，湊夠免疫力，形成herd immunity，讓自己借勢過關。但而家一見死得人多，轉軚快過乜，即刻逼爆打針站。

反過來，御旨一到，建制要人亦紛紛配合「動員令」，將疫情上綱上線，講到香港好似就離陸沉。

今日最重要既發展：3月起，全港750萬人按身份證號碼強檢3次。預算在內地支援下，每日做100萬cases，亦即7日完成一檢。1個月內就應可完成全民3檢，corner 到所有的疫情missing link。

注意：部分樣本會「送中」測試。但樣本只有編號，冇身份證資料，而編號與身份證無關。換言之，港人最驚青既個人私隱，唔會送中。就如法國總統，死都唔俾俄羅斯檢疫，怕對方取得自己既DNA，「對症下藥」。

與此同時，有港人權威就押後下月底的特首選舉放聲氣，空穴來風。你估對邊個有著數？

抗疫兩年多，首見有市民就強制措施告政府。長洲覆核王後繼有人。你估使唔使釋法？

為人母不易：95歲的英女王要為次子的早年風流賬找數1,200萬英鎊。怪唔得老太太近日話，我行動好辛苦。呢個事頭婆真係唔好做。

什麼陰謀？〈韓大選拉票 兩助選員在競選大巴上昏迷死亡 懷疑中一氧化碳〉。大巴上哪來CO?

政治變態：有自稱「何歡喜團隊」者逐一去信台灣，警告國民黨各位「前」主席，勿妨礙反修例的港人逃台。但為何放過現任主席？還是說，懶得警告，直接要他好看？