210721三午陰27°C 94%：東奧能否破宿命？

東奧倒數2日。至今約有數十關係人確陽，包括個別運動員。

日方話不排除最後一刻取消。講下好！人已到埗，箭已上弦，不發不快，點煞得住？

下一步，營內千計的運動員為老友重逢互相拜訪、飲杯預祝得勝，從而群聚感染，有運動員隔離，中斷部分賽事。

最後就係曲終人散，成千上萬關係人等回國，個別帶回潛伏的δ，印證全球化的威力。

所有呢的都係預咗，要繼續辦就係咁家啦！ 

市民近年以體育成就為傲。港隊出發征奧翌日，建制報上頭版頭。看似正常。但念深的，換咗舊時會否咁誇張？

市民愛運動、以港隊為傲，其實亦屬本土情。想當年，港人歡呼的對象係國家隊。

我因為唔識英國嘢，以前唔明點解英國好多隊際運動要分英格蘭、蘇格蘭、威爾士、北愛爾蘭4隊作賽。

以中式智慧，英國4隊合一，實力點都強的。話唔定，剛打完既歐國盃，足以反勝意大利奪冠。但原來，英格蘭飲恨後，有蘇格蘭人高調祝賀意大利。說白了，蘇格蘭人寧可英國輸，都唔願同英格蘭合組奪冠。好多人視英格蘭為世仇，絕對唔會因為體育的「虛榮」而放低。後來睇David Reynolds前年出版既《Island Stories, Britain and Its History in the Age of Brexit英国故事 : 从11世纪到脱欧动荡 千年历史四重变》，才比較明白。

有興趣的話，BBC的蘇格蘭部近年拍過十幾集”History of Scotland”紀錄片，講解人Oliver一副不羈的外形，很重的蘇格蘭口音，聽語氣係本土派。我沒有機會看完，但此人的情感不問可知。

如今，港人由當初捧國家改為捧自己。呢個教訓好深刻。

建制若明白港人愛運動、愛港星，高調捧港隊來拉近與市民的距離，點都精過叫市民捧國手、睇《號手》。但港人會否受落？