210705一晨29°C 89%：恐襲案正反合

昨晚講派5,000元扯遠了。回到真正的頭號問題：首見巴人式恐襲。

以當局至今公開的資料：死者1.確出於政治判斷而施襲；2.事前已決定事後自我了結。

至於此人08年前曾在《蘋果》資料室工作數月，應與其思想發展到咁極端無關。壹傳媒的待遇一般好過同行，有人爲此而加入，尤其是非關內容的工種，搵食之嘛！再說大氣候，十年人事都幾翻新，何況此人離開《蘋果》後這13年，香港天翻地覆，內地進入習時代，與08年完全不能相比。

但公開的資料可信刻意騰空：1.教育程度、校名；2.親友關係；3. 08年離開《蘋果》到16年加入維他奶的8年。可以想象，居中的人事是近日地毯式逐個徵詢的對象，leave no stone unturned.對當局來說，最緊要確定是否還有涉案者，以免後患。

以上純屬我睇刑偵劇學離既推論，並非要針對誰。在A vs B勢不兩立的變態時代，講任何未達到任一端的話，都可能俾人覺得有利對方。

至於不准悼念襲警者，對當局來說：1.巴人式暗殺是大惡；2.警員被暗算，當局是「受害方」。

警察是準軍事組織，秉承軍人精神，以同袍爲兄弟，傷害兄弟者形同寇讎。睇港產片都知，有黑仔敢郁警察，原則上，同袍天涯海角都「刮」佢出嚟。而家有人哀悼、惋惜…，警方自然視爲寇讎甚至同道。

你或視爲言論自由。但只怕會成爲網軍和CCTV的對象，擴至來往、交流的人，尤其係意見相近者。

當然，這只是我睇戲學來的想當然。但不久前，有齣英劇《Capture》幾震撼。本身是liberal戲，但反過來看，萬一被target，以如今的影像科技，乜嘢視像做唔出嚟，到時用酒精都洗唔清。

但警方又的確唔使去到咁盡、大聲夾惡。1.睇新聞都知，可以在案發地點擺個警方既小帳篷，加crime scene封條，寫明現場有錄影…再係附近巡邏，仲會有人離供花？2.即使「悼念」，恐怕也有唔同的範疇。有佛僧、道長想超度亡魂，神父、牧師想爲其禱告求赦罪得唔得呀？

上面無神者，但香港係唔係都要逐漸睇齊呀？