210720二雨26°C 97%：睇《大叔》與睇《號手》的分野

昨打風唔成落大雨，今更傾盤。以往連年水浸的北區明渠近年不再見報，疏通了？

但這兩年行山出事的人似顯著增加。擁抱自然，自我挑戰，險景搶po，無懼規勸。

今晨又有一男疑行馬鞍山被洪水沖走。當時該山徑無雨，行山正好？後補：搵到遺體。

Just do it，無畏無懼，豈亦後現代的體現？

更不巧的是，昨新聞正頌揚南韓57歲的無指登山家征服14座高峰，今午就傳來墜入俄羅斯8047米的布洛阿特峰冰隙失蹤。這條實時見於建制大報，但一些政治較正確的港媒未及時補上。

反過來很能說明建制與社會主流文化上的兩極。Viu重拍日劇收視王《大叔的愛》掀起熱潮，同樣反映後現代的喜好。

記者親後現代遠傳統，爲此問林鄭有冇睇港版《大叔》。林鄭反推薦睇港台正轉播的內劇《號手就位》。

我兩劇都冇睇。日版《大叔》我就冇理。我睇日劇只揀刑偵/推理和職場，加個別倫理喜劇，唔睇青春、純愛、怪異…，不求政治正確。

至於內劇，除了娛樂就是正氣。《號手》若純屬娛樂，又點會交新時代的官台轉播。上次看內劇是配合反腐的《人民的正義》。主角是後生檢察官，但造型輕佻，毫無真實感。我不看內劇，更因爲冇耐性追40-50集x60m。日劇每周1集60m，10集完，正好1季。

本季日劇，我既taste依次係：

1. 天海佑希擔綱的刑偵劇《緊急審訊室4》；

2.鈴木亮平主演既醫務劇《Tokyo MER移動的急救室》（這裡的「室」其實係「車」）。今日上網的第3集絕對催淚，但係正氣唔喺悲劇；

3.波瑠配田中圭、澤村一樹既醫務劇《夜間(夜班)醫生》；

4.西島秀俊搭綠草濱田岳既美食輕喜劇《主廚是名偵探》；

5.東山紀之擔綱既刑偵劇《刑事7人7》；

6.佐佐木藏之介配杉本哲太既刑偵劇《IP網路搜查班》。雖遠不如前5劇，但俾面兩位演員，作爲消閒。