210701四百年黨慶晨30°C 80%：新時代儘早講清楚

大日子，繼續陰天。但冇雨，都算係天公作美。

近日晨運，終於體驗到點先係low-lying clouds：滿天黑雲，落到四周屋頂既低處，先見到光，或者就係港稱「耶穌光」。

國安頭一年，內地話齋，成就一天等於港20年。今天開始的第二年，肯定會再接再厲。務求滴水不漏，冇得偷雞。

唔啱牙既團體紛紛自動收爐。爲自己爲家人，好事！

《蘋果》摺埋係「小事」，清理反動文書…亦在所難免。

真正既大事係：港人慣咗口沒遮攔，幾乎以言論自由天下第一而自居。宜盡快界定新時代既言論範疇，透過官民互動，磨合新的界線，以免有人無謂地干犯國安。

舉個例：港人執迷咗32年既「六四」，最新定性爲「暴亂」。有必要對750萬人表明：今起若有人並非負面地提起「六四」，會否干犯國安？

具體來說，如果有「樂悠咭」阿叔係公園、食肆同的唔忿氣既孫講古，我後生個陣都好激架，個次跟人上街，成百萬人逼爆港島，好似仲落雨添，我幾乎喊出離呀！

咁會否被指暗示六四「暴亂」有理，鼓動的後生上街傳承？

越早講清楚越好，以免不時有人觸犯法網，俾的媒體，尤其係「非華」陣營既同行炒，令外界以爲《1984》已成真。

如果唔俾講六四就頂唔順，唔喺帶同家人另謀出路囉。大家都好。

反過來，正如外面天地大，在港想必也有新時代的新出路。我包你20-30年後，香港仲係度，而且絕大可能唔係《1984》咁。

Good luck, 2nd year of the HK’ s New Era.