210716五近午陰30°C 64%：林鄭奉旨「走數」

國安一年，港翻天覆地。但一句講嗮：儘快與內地一致。首先係人事(非愛國不用)、表達(不違國安)、法治觀（三權分立out、國安爲先）。接着當然係思想，思想決定行爲，但那至少要5年才見分曉。

港最後有別於內地的，或只是私有制的比重、法治觀念較強、出境自由度以及Fb、WhatsApp這些外來amenities而已。

林鄭本承諾防賄例包埋特首，今以憲制爲由「走數」，據說因任命權在中央，違法要交中央處置，不屬港務。

換了幾年前，港人又會大嘩：特首「送中」仲係「自治」？

而家冇人再咁嘈，最多係死搬英式法治離鬧特權。其實，正如你唔想港人犯國安送中，特首涉貪送中唔喺仲傑，可以判死架。

當然，你可以話，個PK冇法治，特首送中隨時放生…。但話到底，你係着意公審特首既權力同傳媒fanfare者，唔喺真喺咁法治嘛？

昨網媒既「揣測」若屬實，中央就更係特登俾你班友知道：「特首任命權在中央」絕對貨真價實。據說，明年既特首選舉會改用「澳門模式」：1人出馬，完票當選。爲此要12月黨開完中央會議，先通知個位獲得blessing的仁兄/仁姐。

換言之，由12月到明年3月投票日，連最終既票數恐怕都已知。750萬人無須再爭離爭去，專心賺錢讀書happy。到個日就拍拍手，透過熒幕上的Mirror，等睇當選人的風姿，到時絕對唔會有令人尷尬既Error。

「特首任命權」明確後，萬一出事的處置也就無懸念。這不好過港人成日係所謂法治上糾纏？