210704日晚29°C 82%：送我5,000的煩惱

$5,000消費券登記第一日，到傍晚話已有150萬人上網登記，名副其實「快過打針」。

唔怕講，我連打針抽樓都未登記。愈來愈怕電子登記過程中既驗證，再說密碼多到早就唔記得。

近年少光顧酒樓，反而鍾意學買餸。至今10種瓜菜怕只識2種，好多嘢想學。但而家街市攤檔賺唔到呢$5,000，怕唯有買教材俾家裏的細路，希望佢地快樂成長。

我至今唔記細時有過玩具。唔係窮到買唔起，而係阿爸冇咁既觀念。佢既人生係鋪頭，阿媽既人生係麻雀。後來阿媽55年一個人先走落離香港，家裏剩番阿爸同我。加上當時社會上已一切歸公，冇生意可做，阿爸先有機會同我相處。那是我同阿爸落離香港個前兩年，算是我童年裏最愉快的。

來港後，阿爸大概帶出來的錢大都交了偷渡費，一貧如洗，在鄉里開的小書店裏寄住。與我兩人白食白住了年餘，最後俾人掃地出門。但又不得不交費供我讀私校（當時阿爸連點同我申請公校都唔識），連劏房都住唔起。

講番係廣州最後個兩年55-57。廣州熱過香港。晚飯後，阿爸與我行十零分鐘，去就近既文化宮，一個大公園兼遊樂場，乘涼兼娛樂。門票好似係3-5分(cents)，

記得文化宮一入門，就係一個高懸既大棋盤，可能有20ft x 20ft。棋王楊官璘、陳松順經常係度表演。楊當時廣州第一、全國頭幾名。陳則長駐文化宮，絕技係捉盲棋，綁住眼，任觀衆挑戰。挑戰者每行一步，就由唱棋人係咪度唱出：例如馬八進七去卒。陳就憑腦海中記住既棋盤，決定下一步，然後自行唱出：例如車二進三叫將軍…。絕少有記錯棋子位置的。大概十場八勝。須知上得離挑戰的，也是坊衆裏的高手。

在文化宮除了睇捉棋，也跟父親學會看京戲。二進宮、二郎探母、捉放曹…，現在想起來，倒學了點東西。至今記得梅蘭芳拍成電影的《宇宙鋒》。

當時在廣州反而唔睇大戲（粵劇），因爲父親係laosung，連粵語都唔係好識講。大戲反而由我7歲前既工人（阿姐/保姆）阿燕帶我睇。

睇戲這方面，說也怪，家中三人三個樣。53年母親去上海生我妹，帶我隨行。我估母親並非想湊我，而係唔想我在她離家那年，黐住阿燕，受佢影響，因爲阿燕知道我既身世。

母親在上海那年，碰上慣稱紹興戲的全女班越劇《梁山伯與祝英台》拍成49年後的第一部彩色電影，迷上了。除了與同鄉帶我去戲院，仲日日係住處聽袁雪芬、范瑞娟的唱片。《梁祝》的〈十八相送〉〈樓台會〉、《打金枝》聽到我識背。

正因此，我相信家庭多元好過一元。家裡三個人來自不同的地方，分別教會我大戲、京戲、越劇。我自己愛京戲，但也願意聽其他兩種。後來在港也聽過上面落離既豫劇、川劇。…有一次去台灣旅行，見識了歌仔戲，亦即閩南劇。

母親是閩南人。但福建後來以閩北的福州爲省府，福州地位比閩南的廈門、泉州、漳州高。母親的父親也就是我沒有見過的外公，做過省級官員，在福州上班，因此，母親在福州長大，以閩北的福州話和閩南的河洛話爲雙母語。閩北的福州話與閩南話完全不通，就如港人講的粵語亦即內地的廣府（廣州）話，與粵東的潮汕話，雞同鴨講。粵東近閩南多過廣州，故潮汕話其實係八成既閩南話。因此，潮州人到台灣如魚得水。

我最大的遺憾係沒有跟母親學閩南話。因爲從小在廣州生活，父親又不諳閩南話，我學了也沒有地方用，錯過了。否則後來去美國讀書、去台灣旅行，就方便很多。今天在台灣，據說講國語最好帶台灣話口音，否則會被另眼相看。講京片子就更死梗。什麼是台灣腔，當年在美國時，就注意到台灣同學講國語的一種特色：

將國語的f改爲h：恭喜人發財，不要說“ni fa  la，要說ni hua la！

大陸人愛發展，但想說服台灣人，最好說 hua zhan hao a。

日文基本上也是f->h。因此，很早很早，日語很可能源自河洛/閩南話。

由此可知，台灣與日本爲何感覺上特別親切。