200722三晚30°C 82%：That's more like it

    7.22：截至00.00，T=113，其中L=105(=93%T)，L之中U=63(60%L)。
    相較前兩天顯著少於100，113才比較合乎這波疫情的發展。未深究之前，暫時唯用初步確診數延遲計入確診來解釋。
   麻煩的是：L=93%T似乎是最高的記錄，幾乎所有確診都是港人自炒。
而且，U無頭公案仍佔六成。這63人的上游只要散開幾條新鏈，就有排煩。
   室內公共場所強制戴口罩，算是有疫以來最辣。但似乎更厲害的是：「限聚令」延長到年底，亦即今年聖誕都唔使指以開P、望彌撒。但以剛過去的7.1看，10.1應不在此限？大國民點能夠係屋企對住個iPad唱國歌？
   講起疫情與政治，我周前話第三波疫情係港人彼此攬炒。即刻有網友質疑，認爲源頭應該係鬆關。不用說，矛頭指向北人。但近日新華社帶頭反擊，話成日聚集搞搞震既反對派先至係禍首。證據係本地確診有唔少trace到示威熱點既銅鑼灣、灣仔。呢兩日，從出口轉內銷的WhatsApp看，本地有網媒配合呢條線，溫情發揮。
    你信，衰鬼係陸客定反對派？唔使問，無論黃同藍，主要都係自慰：信番自己本來就信個套，邊個會正反咁睇、計、念...?
    但客觀上：第三波至今，係人都知「旺」九龍東。除非你發揮創意，話九龍東咁多案例，因爲就近港島東。班仆街係銅鑼灣、灣仔搞完暴力破壞，過番東隧散水兼散毒。否則，鬆關出入境免檢說，近磅過示威擴散病毒說。念落，我會信兩種說法的可信度係：7:3。
    當局豁免有地位人士免檢，其實可以理解。一上面新確診長時間接近零；二有不少港人靠裡面開飯，呢的人十有九屬建制；三可信上面也有壓力要港鬆關，否則好似只准英美家澳與港保持往來，唯獨封鎖自己國家，不是港獨是什麼。
    至於仆街暴力散毒說，無論有幾多人信，客觀上有「正面」的意義。立選開鑼，班仆街要搶35+席來顛覆國家的地方政府。務必要說服選民班仆街毒港，即便唔選建制，都至少唔好投俾反對派。