200718六晚29°C 83%：厲害了，7.18！

   今7.18厲害了：過去24小時，Total=64, Local=60(=94%T),  Unknown=35(=58%L)。而且，另有60多宗初步確診(P=preliminary)，與確診數相若。
    今天的初步確診若未來24小時大都變成確診，明7.19的T有可能破百，人均計，逼近最近每日200的東京（人口~香港2倍）。
    危機壓境的另一個跡象是：近半年來幾乎天天出鏡，措辭語調一直很委婉的張醫生，今午開記招至少有兩次對市民有微詞：
    1.大家生活「多姿多彩」，（以致）追蹤密切接觸者非常困難。大家行爲上唔改變，就算起多幾多檢疫中心，都唔夠安置...。
    2.呼籲無病徵的人士不要與有病徵的市民爭做檢測。
    港近日已有人掃廁紙。一旦「破百」，心理壓力會大增，再見疫情早期的恐慌：輪候、爭先、煩躁、口角、打鬥。當然，亦必然有人PK政府。
   我此前相信，港人很快就會自律行爲，少熱鬧，多自閉，避免疫情失控。我會否太樂觀？再看2天吧。
   我冇張醫生所說的問題1。從小冇玩伴，在家踎躉。12歲前幾乎連收音機都未聽過。課餘只有兩種活動：1. 阿叔搬埋離同住。佢輕微弱智，鍾意行街。我於是跟埋佢，幾乎行勻全廣州（當時既市區面積可能只是現在的十分一）。2. 晚飯後落街，光顧對街租書檔既阿伯。一本五分人幣。四大名著、三言兩拍、封神、包公彭公施公案.....睇嗮就差唔到落離香港。
   而家念番起，好在有廣州同我阿叔、租書伯。如果從細係香港，有國語片（我在港活在上海人圈子裏。上一輩連粵語都講唔好，冇人會睇粵語片）、西片、歐西流行歌曲...。點會咁得閒睇啲古老小說。
   我好多謝我阿叔。雖然我阿媽好討厭佢，但佢係我既啓蒙師傅。我從弱智叔處得益既，甚至多過我阿媽。我祈禱都要記住佢。
    落到離香港，頭兩三年在人地鋪頭寄居。同樣冇係街玩，最多就係跟兩個哥哥姐姐學聽Hit Parade。但錯有錯着，由此間接學了點英文。
    因此，我到今日都唔怕悶。在家用電腦、平板睇書、新聞、刑偵劇就可以打發。兩三日唔落街也唔會抑鬱煩躁。但我明白，今天的香港人先進，率性、愛嘆、要新...，都是疫情的大忌。但港人醒目反應快，希望佢地轉軚啦！