慣了晚飯後上博，昨晚預定回覆留言，但臨時有事。
謝網友。就輸入的個案，我只記得前一陣的印、巴裔回流，外傭來港，忘了林鄭向北鬆章：職業上經常來往中港的人士入境免檢。
報載，最少有32類人入境時直行直過，包括機師、商家、公幹者...。截至5月，這些人約有20.9萬。即使1,000人有1個帶毒，1傳3，一手都有600個case。更不要說，5日就可以傳一代。
今07.15，收緊羣聚辣招首日，業界當然嗷嗷聲，但確診戲劇性地由前幾天40-50急降到19。
但其實，本地佔14宗，佔確診74%，比例只是略回降。而且，14宗裏有一半源頭不明，比例仍高。直覺上，無頭公案最好少過10%。
不止此，張醫生提醒：今日確診少，因爲另有37單係「初步」確診。換言之，這37單只要有一半及時確診，今日就與前兩日相差不遠。
這37單若聽日確診，聽日既數字就唔簡單。
但反過來，我又有的「盲目」既信心：近日既數字已嚇驚市民，會即時收斂，3-5日內可望回落。至於個12類羣聚場所，捱2周啦！8月第一周再出發。
若非疫情，我今日最想講的絕對係：拜美國之賜，香港終於成爲真正既中國城市！
最大既好處係：內地人今後唔使再湧來，將呢度當作進可攻、退可守既safe haven。個人自由和安全保障與內地相差唔係咁遠，發財機會唔比上海、廣州、深圳多，稅率又越來越接近（內地想學美國，今後內地人在全球既收入都要依法交內地稅），特區護照在外的待遇看來都會與內地人的真國民護照拉近。內地人在港冇着數，也就唔會離bother我地，咁就乜都鬆嗮啦！
不過，到時特區人外出就冇咁方便啦！我首先就擔心：幾年前用盡九牛二虎之力才申請到既10年期美國旅遊簽證，會唔會被廢，要重新申請，每次最多6個月。
俾簽證費係小事，痛苦既係，美國911後，國安爲重。每次上網申請要答成籮問題，幾乎要問祖宗十八代。包括過去幾年去過邊幾個美國城市，幾時到，幾時走，住邊度...。我去探親者，住人地屋企，冇信用卡記錄，邊記得清楚時間、地點...。萬一記錯，會唔會被指作僞證，今後都拒絕簽證？
不過，唔止我一個，頂硬上啦！話唔定明年拜登另有做法呢。
沒有留言:
張貼留言