200716四晚30°C 74%：人離鄉賤，多學少怨

再好既事都有副作用，再衰既事都有人得益。差別在正比反多幾多。

我哋world city因為國安法，俾美國當內地城市看待，原來得益既唔止係60萬為泛民企出離既勇者，仲有港人裡「流亡」內地既美式「紅通」。佢地唔憂俾港轉交美國，就可以番屋企啦！

不過，依家港爆疫，食都唔安樂，上邊相對仲安全，佢地怕都唔恨回歸。世事就係咁吊軌。

反過來，反報做緊件好事：讓啲後生了解移民西方既得失：

自己確保自由安全、下一代唔使愛國...，但可能要放棄專業，打散工粗工，甚至冇工等綜援，靠在港時三四成的收入，過衣食行都貴好多既生活。

唔怕講，正如泛民初選可見，而家好想移民既，唔同97前移居五眼既上一代。

上一代當時大都有牌有樓有家，所謂移民只係出去踎2-3年換本高級護照防身，以便回流繼續搵銀。好多人只送走家小，自己留港搏殺，等家人入籍就搬番來，不再回頭。

今日話移民既：

1.係真正搬走，與港決絕，甚或留港真係唔安全，攞到護照都唔會再番離住；

2.本錢冇上一代咁厚，多屬20/30的主流階層，學/資歷、語言、關係、習慣都好本土；

3.政見強烈，與建制不能共存，但與移民國並冇太多拉楞。

西方無疑在政治上「同情」港人，但也希望移居者多的佢地需要既技能，願意融入社會，少的社會負擔。話到底，西方政客要對選民交代。如果好心攬過大包袱，必定被選民踢落台。你都唔想對唔住收留你既人。

所以，港青去到西方，要加倍生性，入鄉隨俗，俾心機學嘢。以前係香港點威水過癮，過去既就已過去。做好眼前先至實際。人地個度或者冇你係香港時咁好，但人地冇要你去，唔好以為人地欠咗你。

如果決定移民，謙卑努力，多學少怨，做個香港人既好榜樣。人地個度必定大把大陸人，讓當地人睇得出有所區分。