謝留言。的確，港抗爭者的決心，也不以上面的意志爲轉移。
我估，雙方都明白無法說服對方。以上面看，港人普遍離心冇救，初期唯靠國家機器維穩。只不過在港不能用high hand，要用containment：限制其就業晉升，以免掌握權力和資源；同時藉國安警+網軍無縫監控，確保其未點火就已揑熄。
上面有70年的經驗，維穩開支超過軍費。不服的話只能收斂或外移。當局不會阻止港人外移，相反藉此來騰籠換鳥：讓流亡者在外逐漸與港疏離，也方便派人南移來填補空檔，淡化本土成分。
騰籠換鳥頭尾怕要30年。頭15年培養出一代從小受國民教育，對國族不那樣抗拒的大中生。第二個15年培養出的大中生國族感情與內地人已相差不遠。目的是30年後，讓港人再無反國族的基因。
以上純屬亂估。總之，各有各念，好自爲之。但無論點念，最好念得深的。12走青案和6/7青美領館案說明，對方早知你想做咩，set定個籠請君入甕!上陣唔喺請客吃飯，唔好怪人。
跳舞組未爆完加上氣溫下降，確診數突然由80+飆上115，包括20多個可能隨街行的病灶。預料本周會繼續清涼，加上港人聖誕回流，‘後市‘不容樂觀。只怕不出幾日，SD就要退回到7月份第3波高潮時。最多不再禁堂食。
12港青在鹽田被扣3個多月後，終於起訴。至今的司法程序或未能依足本子辦事。但首宗涉港國安大案，事主衆多，西方關注，非中央取決不可，背後相信已努力過。
這並非爲當局辯解。但純按本子追究，只怕不會有結果。更莫說以港法來衡量。的確，港人一般往另一端想。但親友聚衆遙對鹽田示威，不會增加事主的籌碼。
莫說其親友，我也不敢肯定，有人被扣兩個多月後，傳回港的手書出於其本意。但借用80年代初美國香煙的廣告戰。坊間嘲笑”Winston（香煙牌子）tastes good like a cigarette should.”的廣告，錯用preposition “like”來代替conjunction “as”。但Winston恍如今天的Trump，監粗用美國實用主義來反擊：”What do you want？ Good grammar or good taste?“考英文絕對肥佬，但美國公衆一笑置之。換咗係事態度嚴謹得多的英國，這絕對不會發生。
不是鼓勵港人鬆懈法治。但借用港人唔啱聽的毛語錄：當局七十年的習慣，不以港人的意志爲轉移。用港話說，你有你嗌，我有我做。
希望第四波確已到頂，停留多幾日就可望回落。
看林鄭爲施政報告接受電視專訪，確證港英培養的AO無論幾醒目打得，骨子裡是技術官僚，撞着今日高度政治化的社會，無論幾賣力都撞着黑，越打得可能越衰。由此不能不佩服英國人，自己決定政策方向，讓華人去執行，發揮其醒目服從但怕政治的民族性。華官也樂得如此。
林鄭話：被美國制裁後，自己不再有銀行戶口，改用現金出糧，家裡存放大量現金，對外交易一律cash。
我信林鄭係有碗話碗。但基層月入兩三萬，日常食住行教…佔八九成，屋企現金多極有限；她年薪500多萬，政府包食住行和日常服務，每月抬40幾萬回住處，幾個月下來，禮賓府隨時變小金庫。日常出入也可能要帶大扎現金作私人開銷。有人恐怕蠢蠢欲動，官邸警察、隨身保鏢辛苦了。
林鄭退回到現金，最冇眼睇的是馬雲，有人會開心。
同被制裁的其他6/7個高官都話唔驚，甚至引以爲榮，但冇一個話退回到現金時代。警務處長就改用中銀。你林鄭咁講，恐怕國家都好尷尬：難道全球第二大既GDP都幫唔到手？請大灣區即刻頒個獨一無二的至尊銀行戶，託中聯辦送上，特首笑納。
舞組+流感，確診飆到近百。內地首席專家再促港全民檢測。但香港行唔通：首先係人工貴、效率低，冇成本效益；次之係逆反心理強，徒予本土口實。內地做得到，一則黨全知全能，無人不從；二則人工低、黨工多，成本效益高。
但客觀上，我估呢一輪已近頂，接着要睇聖誕。
今超好天，外出辦事，行咗萬幾步，補番前幾日唔夠數。但途中出了點意外，幸虧只傷及皮肉，十分感恩。現在每過一天自理的日子，都是賺的。
我若長命百歲，那絕對是恩賜。無論幾注意飲食起居做運動，有的嘢都冇法子防。我就唔敢話自己唔會有癌、癡呆、柏金遜…。萬一真的打到離，不怕說，不知如何是好。活着只是家人的負累。
先父老來冇錢睇病死拖，最後中風半癱瘓。當時我不在港，飲食、去廁所、沖涼全靠母親和妹妹餵抬。這種24/365的關顧，誰都會逼瘋。每見新聞裏的倫理悲劇，身同感受。只能祈求上主讓我得免。唔喺爲自己，而係爲家人。
再說由細到大，天生手腳笨，小時更頭重腳輕，生活中的意外似乎一直與我同在。幾歲時在廣州，住家連父親的鋪頭共三層。鋪面係貨倉，二樓我叔住，父母、我同湊我既媽姐阿燕住三樓。廣州百年前的舊樓，木樓梯，好斜，冇燈，上落有聲。我幾歲時上落要逐級爬，不止一次碌落離。好在只碌咗幾級，否則唔死都傷殘。能活到今日，已經好有福份。
史上有數的球王Diego Maradona猝死，年僅60。好多人哀傷。但不怕說，我不是他的fan。我睇運動員，不以勝負爲檢驗真理的唯一標準。此人即便在球場上都唔係好磊落，場外似乎更一塌糊塗，否則就唔會癡肥到久病纏身。希望這一代的美斯、C朗唔好學佢。
確診連日都80+，希望是快到頂。
昨忘了說一樣大事：林鄭offer，反修例者未成年認罪從寬。
客觀上本應從寬。萬人被捕。逐一搜證、起訴、審判，做死司法，難免疏漏，連監獄都爆埋。至今的一些個案就予人羅致罪名的口實。加上輿論同情反修例者，挑剔控罪的紕漏，‘黑警’監粗離的印象點都洗唔清。
但僅寬容未成年唔夠。街頭衝突時，有人見同道被拉，臨急出手‘搶犯’，也應從輕發落。只要不是用武器，出手拉推扯，傷唔到全副武裝既防暴警。認罪的話，不妨判長時間的社會服務令，讓其回饋社會，透過與弱勢的接觸，知道社會上有好多實事要做，唔喺只有政治先重要。
但界頸、縱火燒人、用硬物照頭卜、製造可致命的武器…當然要以儆效尤。
勁舞組勢如破竹，至今累計250單，怕今後都冇其他群組破得了。但確診增幅放緩，只要不鬆懈，一周內可望到頂。
本來到頂後會停留幾日，然後逐漸回落。但隨即留英生回來過聖誕，當又爆一輪。
看先後三位特首可知，留英家庭份屬頂尖階層，冇得封關既。
你估有冇1%既精英家庭有子女北上留學？這不但說明中國的軟實力與西方差天同地，更說明爲何今日港人由中到青，唔反已算俾面。
林鄭今日首次係冇泛民搞局既情形下，輕鬆讀完來年大計。我呢個年紀既中產，唔怕講，幾乎唔使理：增福利輪唔到我，加稅亦唔合格。
本來牙醫與我有關，但整過牙先知：整牙由頭到尾係手工作業，醫生往往要聚精會神搞足大半個鐘，唔同一般內外科，睇一個症只須幾分鐘。因此，公家牙醫睇唔到幾多人。有事怕九成九要幫襯私家，隨時一萬幾千，基層長者會幾吃力。
但牙醫工作辛苦費時，好難增加服務。除非十年後，有牙醫機械人可以幫手。
一眼掃過標題，講得最多既係1. 基層福利；2. 融入大灣。說是今後10年都夠地起公樓。希望兌現。但唔怕潑冷水：即便依約交貨，到時肯定仲係唔夠：a. 市民的預期上升，嫌單位細、地段唔好、分家攞多個單位…；b. 人口增加，包括南下和南亞的移民。到時政客、壓力團體仍然有得鬧。
2作爲國策和國安關鍵，必定不惜工本谷到盡。上去的人有福了，天國是你們的。港媒藉港青的口來冷嘲熱諷離係廢既。這是in今後十年二十年的國策，明知你今日會鬧。關鍵係今後兩三年內快速落實。面對港就業機會萎縮、薪水停滯，上面大量製造機會、提供各種補助，畢業生除非移民英、澳、加，否則面對本土與大灣日間收窄的就業差距，須就自己今後的幾十年作出抉擇。
第一批北上的，相信是基層新移民的下一代。呢的大陸人‘二世’唔會咁抗拒普通話、簡體字，與內地親戚有往來，可以接受番大灣區工作。他們不一定喜歡大陸，但心態會比較正常，唔會視之如蛇蠍，拒絕往來。這一代上去後十年八年，成爲第一代的港中混血。接着香港國安教改後訓練出來的下一代出道，他們的抗拒力普遍會少很多。The rest is history.
當然，期間要看大陸的發展。以過去十年看，不能太樂觀。但只要不爆出新式文革，穩穩定定，香港也不會衰過今日。
夜了，最後講一句：雖然唔喺美國選民，但Biden 1st day，俾佢既內閣choice一個大Like。白宮幕僚長（相當於中國的中央辦公廳主任）國務卿、國安顧問、財長、UN大使…睇樣幾decent，唔喺大左。至於貿易部長係唔係華人，我倒不介意。且看防長如何。Anyway, good luck.
去切火雞啦！
新症又多過昨日，離每日百例不遠。但升幅放緩。希望不是偶然因素使然，而是連日拉警報的成效。
業界照例抗拒收緊，索取補償。但疫情全球肆虐已十個月。要待歐美逐漸普及疫苗兩個月後，方知疫情幾時了結。期間實施的任何社交限制，必然大多數人失利，個別人得益，無絕對客觀公平的可能。
今香港時間日間的全球頭條無疑係Trump拖了將近3周後，美國政府終於着手與Biden交接政權。
此前，Biden就已預告美國時間周二，亦即香港時間周二深夜到周三清晨，公布內閣人選。如今負責政權交接的總務署GSA先一日宣布合作，相信是政府高層，包括共和黨在內，深知勝負無可爭議，交接無可能再拖，在最後關頭逼Trump放手。而可信即便Trump本人，也明白無可能翻盤。
美國周四是僅次於聖誕的大節Thanksgiving，或相當於港人的冬至。Biden預告過節前兩日公布閣員，好明係借過節來表示：Enough is enough，一切爭議請在節前了解，讓3億國民安樂感恩。這逼使GSA在Biden公布前，先一步表示comply。
在成熟的民主和法治體制下，deadlock雖然遲早會解決，但在得以過節前的最後關頭放下，仍值得感恩。至少唔使邊切火雞邊鬧人。
我唔喺美國選民，甚至唔死忠民主、自由。但Trump死撐既呢幾個禮拜，從來都唔懷疑，是非曲直會文明地解決。美國自由派怕會政變…說穿了是想刺激選民，加大對Trump的壓力。
美國無論對外幾霸權，你幾憎巨，260年來，除咗1860年起既南北內戰，連政變既邊都未摸過。冇一個總統敢調動武裝離達到政治目的。Trump真係敢郁，唔單只係美國，甚至係全世界既公敵。全國即時造反，三軍亦會起而抗命，捍衛憲政。到時可能一日之內就會像幾百年前英國Cromwell帶領議會反皇帝那樣，令Trump落到Charles I的境地。今天總統當然不會上斷頭台，但歷史上的聲名會比Charles I更臭。
