220917六午後34°C 53%：香港「不二價」？

月來，抗疫司令與鼓吹「0+7」的民間專家嗌到出面。今突然說積極考慮，短期內會有數據支持。

聽來似乎說：改「0+7」的話會有數據支持！反之若維持「3+4」亦然。總之，點做都講得通既。

辛苦了！

我這代人之前，北方有句話「不二價」，即粵語唔講價。老一辈慣講價。有啲老字號自恃貨靚取價公道，唔買算數。

49年起，「不二價」自動消失，因為民生日用由國家統産、定價統銷，按人頭配給，數量僅夠維生，更冇價好講。

開放改革初期，恢復自由市場，可信又有價講。

但開放改革到中期，開始步入小康，可信又反過來唔係咁講價。

而家富裕，就更唔會講價。

但今日唔係講國計民生，而係想起「二價」呢個過時的用語，在疫情時代有了新的context。

前日剛說新加坡在東亞帶頭收到可望頂住BA.5的「二價」疫苗。點知鄰近的發展快過鬼：韓、台這兩天也開始收取美國Moderna藥廠的二價苗。這裏的「二價」指疫苗能同時抵禦19年新冠病毒的原始版本和目前勁傳的BA.5變種。

港人此前接種的疫苗，無論係西方的BNT/復必泰還是國產的復星、國藥，基本上只能防禦19年病毒的原始版本，萬一變種來襲，打足4針都有可能中招。換言之，你同我無論打幾多針，其實都只有「一價」疫苗的保護作用，不及「二價」保險。

唔使講，鄰近的地區都搶時間打「二價」，爭取月內開關迎客，搵番啲使用，進而Merry Christmas and Happy New Year。

但香港至今未聞訂購「二價」疫苗，無論國產定西産。如果我哋堅持「不二價」，入境難鬆綁，市民秋冬怕只能出行，本土消費零售難望有外人來光顧。

西方政治理年話，all persons are created equal. 但病毒好毒，偏偏要逼我地承認：no two persons are created equal. 因為，即便同衾共枕的夫妻，也可能因為疫苗的品牌、日期、針數、個人的免疫力，病毒來襲時，反應有所不同，進出國境時，待遇有別。