一年一度的新iPhone終於亮相，週內即可到手。
不過，第‘14‘代粵語讀來唔係幾好聽，擁躉的反應遠不如上一代“13”。
14代較13代最大的改進不在功能而在售價。但又可以理解：全球爆疫近3年，多數行業生意額減，成本反升。
但Apple產品設計靚、超穩定，擁躉極忠心，不會計較加價一成。親友都用的話，就更無懸念。iPhone有個別Android沒有的功能，要全體都用，彼此才能無縫銜接。
我可能是絕少數的非用戶。無他，我唔睇片、唔打機、少影相，俾1萬蚊太嘥。
*日確小升至11k。但真正既話題係：
1.疫苗通行證下調到5歲。今後帶仔女出街食飯，先要打針。
2.官方專家親身證實，「原」來打足針、做足防禦，仍可中招。故為國應該出力，但為人不能太勇。
日本連續7周確診冠全球，但開關迎客堅定不移。你撐唔撐？
有政界名人〈促通關 指靠「內循環」會「內出血」〉。「內循環」者，一群人形成物理學上的closed system，「食自己」：你賣俾我、我賣俾你，肥水不流外人田。但香港冇地、冇原料生產729萬人既維生所需，所謂內循環只能靠內地。但內地年初提出內循環，而家都唔係幾講啦！否則，領導人又使乜閉關將近3年後，再度走出去？
內地好明由疫情期間短暫的內循環，恢復內與外的雙循環。若此，香港就更要大力恢復對外的經貿聯繫。
香港正密鑼緊鼓籌備11月初的銀行峰會。最近逐一撤銷防疫限制的獅城，突然宣佈同期舉辦國際FinTech節，擺明用寬鬆入境逼各國金融界揀港定揀星。
鄰近的日、韓、星、馬、泰跟從西方的防疫實用主義，旅客入境現已幾乎不問檢疫資料。台灣看來也會跟上。這些國家地區顯然預咗會因此而再爆疫，但希望爆疫的社會和經濟成本小過對外封閉的損失。
香港作為傳統上開放的城市，面對鄰國巨大的壓力，正尋求微妙的均衡。
內地近日抗疫緊張，主要是確保下月的黨二十大順利。港與內地通關的進展，顯然要遵從這個規律。
沒有留言:
張貼留言