220725一晚32°C 74%：11月七欖的代價要做足準備

本確繼續穩在4k+，官方也繼續預告「狼來了」。但今次既預警已落空咗個幾月，睇下點？

官方欲以缩短入境隔離日數來換取市民接受「安心出行」加入黃紅碼。

但原來，香港11月非放寬入境限制不可，因為要主辦1.全球金融峰會+2.已停辦了2年的七欖世盃。

自20年初全球爆疫以來，香港已自絕於國際2.5年。再不搶番Asia‘s World City之名，勢被歐美捨棄、新加坡取代，徒為國家添煩添亂。

為此，即便遲一步對上通關，11月也要開門迎接西人。

但唔怕講：峰會不過一萬幾千西裝友，雖然晚間會飲宴交流，播疫的風險相對較低。但七欖fans九成係五眼白人，來自與毒共存的歐澳紐南非南太。睇波時興之所致，連衫褲都剝清，何況口罩！打完波，肯定狂飲開P，行為自我，不可能執行限聚令。過後個2個月，日確過萬甚至2-3萬都唔奇。

咁樣講，唔係想foul咗七欖，而係話：凡事都有代價，國際化也不例外。七欖過後既爆疫，要預先計入社會成本，由750萬人分擔，14億人也多少要孭啲！

有形的開支簡單，出錢啫，幾億怕預咗。無形的麻煩，尤其係重症甚至人命。唯有今後8-10月，鼓勵啲老弱打足3針。不妨考慮物質獎勵。

今日世界範圍內，最觸目驚心的是：緬甸按法庭此前的裁決，處決4名反對派，包括一名議員、一名昂山的「戰友」。這4人無疑是頑強的反對者，但是否都涉及武裝叛亂，還是說只在街頭打巷戰？

這個政府這樣厲害，哪一天輪到昂山也不是不可能的事！

還望上蒼有好生之德！