今日全球的頭條人物無疑是戰後眾叛親離得最慘（仲慘過戴卓爾）的英揆Boris Johnson(英國好像沒有提供殖民地式的中譯名)。但就香港來說，我會話今日既頭條人物係：預言1-2周後，「日確」會由今日3,000爆多一倍的張醫生。
希望這位港人最尊敬的公共醫生呢次睇錯。但現實中不能不打定輸數。
以第五波的經驗，日確去到6,000的話，公院病床跡近爆滿，方艙會開始運作，公眾多少會恐慌，政府要進入DEFCON 3，考慮收緊社交距離。
上頭也會緊張，一怕波及內地，尤其係北上廣深，二怕被西方藉機話清零失敗，共存方係正途。
而不用說，剛鬆綁的入境隔離又會收番緊，話唔定去到10+4。海外的港人固然嗷嗷聲，西商就更惡：你唔鬆綁，我就鬆人。
與此同時，通關也就無望。今天深圳關口剛宣佈的「人文關懷」也會反過來變成「人文關切」，一切以守護內地14億人的健康和福祉為先。
冇错，我係車得大的，我都希望講錯。但斷估，方向應該係咁。江澤民話齋，想得透徹些；美國人話，better save than sorry.
今日午飯後，因家事外出。撞正大雨，無路可退，只有頂硬上。不料1.行咗幾分鐘就已收細，滴雨而唔係盤雨；2.衝到最近的簷蓬下，等咗幾分鐘就有巴士。全程幾乎唔使濕身。直程有神！
辦完家事順便買餸，又竟然買到過去呢個禮拜經常賣清的一種水果。不過，原因係：貴咗20-30%，光顧的人少了。以今天的角度，有損弱勢，人權團體又可借勢鋤官商。
聽日預告落雨機率細過今日，應該幾準。
至於美國近日的兩大事件：1.鄰近墨西哥的德州邊境有記憶中偷渡入美人蛇最大的慘劇，近50人在貨櫃內焗死；2.7.4獨立日（國慶），我住過7年既芝加哥有人躲在遠處，對國慶巡遊的群眾開槍，7死近40傷，唔怕講，我比較麻木，Walter Cronkite話齋，That's the way it is。因為係美國文化決定的。
拉美人由墨西哥北上偷渡入美，幾十年來川流不息。有的人幾乎呢頭遞解出境，轉頭就翻黎。1.人望高處，2.美國liberal，寬鬆對待偷渡，唔試就笨。只要看不能稱為非法移民、難民，官方一定要叫做migrant（港的自由派傳媒也照跟）就可知。既然我屬流動人口，今日係墨西哥，聽日流入美國，俾你拉到，將我流動番墨西哥，份屬正常。No fault. Game not over. Round 2, Round 3,...可以不斷地玩。只要我有力玩，總有成功的一日。當然，偶然也會晤好彩，好似呢次焗死人，但那到底係極少數。
因此，呢個係無窮無盡的game，涉及千萬人。美國非正式統計，3.25億人口，目前有成千萬人屬「undocumented無證居民」，亦即係非法移民的政治正確稱呼，約佔美國境內人口3%。
由於地理上德州和加州與墨西哥接壤，邊境合計長達千多英里，而德州和加州咁啱，面積在美國50州裏最大。其中加州更人傑地靈，最富有最左亦即最寬鬆，故來自拉美的非法移民十有八九在這兩大州搵食。餘下的大概遠道走去紐約、芝加哥等大城市。
我唔係贊成Trump等右派的反移民。但右派之所以有市場，正係因為的自由派太左，無原則地維護非法移民，令偷渡有恃無恐，問題無法合理地解決。說到底，牛津第三定律的自作孽。
至於開槍問題，相信港人也耳熟能詳。無謂再費唇舌。總之，you want it, you got it. 或著反過來說，任何自由都有其代價。去到極端的，就是「自由，多少罪惡假汝之名以行！」
沒有留言:
張貼留言