本確繼續穩，官方繼續吹。看來策略多過實際。
本地焦點係聽日既DSE/文憑試放榜，焦點照例係上捧「狀元」下慰失利。我限於先天，從未教書，對考試升學冇乜感覺。但看傳媒標題，一如報道其他社會現象：上捧下托。
現實中，中學狀元十年後，十有九名校畢業，成為成功的律師、醫生，但絕少成為行內的翹楚、社會領袖；讀文理攞博士的也絕少成為大學者、某領域的權威。一句話，成績傑出，但成就並不標青。
港媒縱使普遍走左，係社經問題上一律偏向弱勢，但擺脫不了捧狀元這種反平等的華人陋習（古時讀書人「高中」要通街敲鑼打鼓，上門報喜討賞。）港人最崇敬既英國，絕對唔會咁誇張地報道會考放榜。
聽日另一個話題係：書展避疫2年後，終於重開。但我懶理。早在爆疫之前就不再去。網上的書幾乎連書名都看不完。晚年不想再買書，費事身後要麻煩家人處理。You enjoy.
沒有留言:
張貼留言